Հինգշաբթի , Հունիսի 27 2019
Սկիզբ / Քաղաքականություն / «Փաստ». Ի վերջո ո՞վ կփոխարինի Ռուբեն Հայրապետյանին. ուշագրավ անուն

«Փաստ». Ի վերջո ո՞վ կփոխարինի Ռուբեն Հայրապետյանին. ուշագրավ անուն

«Փաստ» օրաթերթը գրում է. «Երեկ ողջ օրը համառ լուրեր էին շրջում, որ արդեն իսկ փաստացի որոշված է ՀՀ ֆուտբոլի ֆեդերացիայի նախագահ Ռուբեն Հայրապետյանի հրաժարականի հարցը: Չնայած նա անընդհատ ողջ ուժով փորձում էր դիմադրել նման հեռանկարին, սակայն, ըստ էության, այլեւս անհնար է դիմադրել:

Ավելին, մեր աղբյուրը շեշտում էր, որ հրաժարականը կայացած փաստ է, ձգձգվում է միայն պաշտոնական հայտարարությունը, որը կարող է լինել ամեն վայրկյան (մեր աղբյուրները չէին բացառում, որ դա լինի նույնիսկ թերթի՝ տպագրության իջնելուց հետո, իսկ եթե ոչ, ապա մոտ օրերին):

Սակայն շատ ավելի ուշագրավ էր Հայրապետյանի փոխարեն ֆեդերացիայի նախագահի թեկնածուի անունը, որն օրվա ընթացքում ակտիվորեն սկսեց շրջանառվել: Խոսքը ՀՀ ԱԱԾ տնօրեն Արթուր Վանեցյանի մասին է, ով, ի դեպ, ուղեկցում էր վարչապետ Նիկոլ Փաշինյանին՝ լեգենդների՝ Երեւանում կայացած հանդիպման ժամանակ: Մենք զրուցեցինք ԱԱԾ մամուլի խոսնակ Սամսոն Գալստյանի հետ:

Հարցին` լուրերը համապատասխանո՞ւմ են իրականությանը, թե` ոչ, Գալստյանը պատասխանեց. «Եթե լուրեր կան, որ ֆուտբոլի ֆեդերացիայի նախագահը հրաժարական է տալու, գուցե իրե՞ն դիմեք»:

Ճշտող հարցին, այսինքն` ոչ հերքում, ոչ հաստատո՞ւմ եք տեղեկատվությունը, որ կարող է ԱԱԾ տնօրենը դառնալ ֆուտբոլի ֆեդերացիայի նախագահ, ԱԱԾ խոսնակն ասաց. «Ես տեղեկատվություն չունեմ, որ ձեզ փոխանցեմ»:

Առավել մանրամասն՝ թերթի այսօրվա համարում

Source: X

Մասին News.am

Կարդացեք նաև

Երբ Քոչարյանի արածի մի տոկոսն անեք Հայաստանի և Արցախի համար էդ ժամանակ էլ մեծ-մեծ կխոսաք, արա՛.Մենուա Հարությունյան

Մենուա Հարությունյանը գրում է. Ռոբերտ Քոչարյանին Մեղրին Լաչինի հետ փոխելու մեջ մեղադրող վահանշիրխանյանին ուզում եմ …