Կիրակի , Հունիսի 16 2019
Սկիզբ / Տնտեսություն / Եղվարդում կասեցվել է նավթավերամշակման գործարանի շինարարությունը

Եղվարդում կասեցվել է նավթավերամշակման գործարանի շինարարությունը

Բնապահպանության եւ ընդերքի տեսչական մարմնի ղեկավար Արթուր Գրիգորյանը հուլիսի 16-ին կայացրել է նավթավերամշակման գործարանի շինարարությունը կասեցնելու մասին որոշում:

Բնապահպանության եւ ընդերքի տեսչական մարմնի լրատվական ծառայությունից NEWS.am-ին հայտնում են, որ սույն թվականի հուլիսի 10-ին Բնապահպանության եւ ընդերքի տեսչական մարմնի կողմից «Արմօյլ» ՓԲԸ նկատմամբ հարուցված վարչական վարույթի շրջանակում պարզվել էր, որ Կոտայքի մարզի Եղվարդ քաղաքի Նատի թաղամասում նավթավերամշակման գործարանի շինարարությունը սկսելուց առաջ «Արմօյլ» ՓԲԸ չի իրականացրել «Շրջակա միջավայրի վրա ազդեցության գնահատման եւ փորձաքննության մասին» ՀՀ օրենքով նախատեսված հիմնադրութային փաստաթղթերի հիման վրա գործարանի հետագա կառուցմամբ շրջակա միջավայրի վրա ազդեցության գնահատում եւ փորձաքննություն։

Ելնելով վերոգրյալից՝ Բնապահպանության եւ ընդերքի տեսչական մարմնի ղեկավար Արթուր Գրիգորյանը հուլիսի 16-ին կայացրել է նավթավերամշակման գործարանի շինարարությունը կասեցնելու մասին որոշում մինչեւ «Շրջակա միջավայրի վրա ազդեցության գնահատման եւ փորձաքննության մասին» ՀՀ օրենքով նախատեսված հիմնադրութային փաստաթղթերի շրջակա միջավայրի վրա ազդեցության գնահատումը եւ փորձաքննության դրական որոշման ստացումը։

Source: X

Մասին News.am

Կարդացեք նաև

Ռաիսա Գալստյանն ու Նարա Հովհաննիսյանը նշանակվել են կրթության տեսչական մարմնի ղեկավարի տեղակալներ

Վարչապետ Նիկոլ Փաշինյանի օգոստոսի 9-ի որոշումներով՝ նշանակվել են կրթության տեսչական մարմնի ղեկավարի տեղակալներ: Վարչապետ Նիկոլ …