Երեքշաբթի , Ապրիլի 23 2019
Սկիզբ / Մամուլի տեսություն / Քանի հոգի է հեռացել ՀՀԿ-ից թավշյա հեղափոխությունից հետո. «Ժողովուրդ»

Քանի հոգի է հեռացել ՀՀԿ-ից թավշյա հեղափոխությունից հետո. «Ժողովուրդ»

«Ժողովուրդ» օրաթերթը գրում է. «Թավշյա հեղափոխությունից հետո ՀՀԿ-ից շարունակվում է արտահոսքը: Երբեմնի իշխանական կուսակցության անդամները հերթով լքում են ՀՀԿ-ն:

«Ժողովուրդ» օրաթերթի հետ զրույցում ՀՀԿ կազմակերպչական հանձնաժողովի նախագահ Ռուբեն Թադեւոսյանը հարցին, թե որքա՞ն մարդ է լքել կուսակցության շարքերը հեղափոխությունից հետո, նախ ասաց, որ ՀՀ-ում հեղափոխություն չի եղել, եւ դա ընդամենը հեղաշրջում էր: «Հեղաշրջումից հետո «ՀՀԿ»-ի շարքերը լքել է մոտ 6 հազար 400 մարդ»,- հավելեց նա:
Ի դեպ, 6 հազար 400 մարդ ՀՀԿ-ն լքել է պաշտոնապես՝ կուսակցության գրասենյակ դիմում ներկայացնելով: Սակայն ՀՀԿ-ից հեռացածների թիվն իրականում ավելի մեծ է: Շատ շատերը թավշյա հեղափոխության օրերին ուղղակի պատռում կամ վառում էին իրենց անդամատոմսերը: Երեւույթը ֆլեշմոբ էր հիշեցնում: Շատերն էլ այս ընթացքում ուղղակի դադարեցրել են իրենց կուսակցական գործունեությունը, առանց այդ մասին տեղյակ պահելու:
Այնպես որ, երբեմնի իշխանական կուսակցությունը, որ մեծ թվով անդամներ հավաքագրել էր նաեւ վարչական ռեսուրսի շնորհիվ, տխուր փաստի առաջ է կանգնել:
Ավելի մանրամասն՝ «Ժողովուրդ» օրաթերթի այսօրվա համարում:

 

Source: USAArmenia

Մասին USArmeniaNews.com

Կարդացեք նաև

Քարոզարշավին ամենաշատ գումար ծախսել է «Իմ քայլը» դաշինքը

Կենտրոնական ընտրական հանձնաժողովը հրապարակեց Երեւանի ավագանու արտահերթ ընտրություններին մասնակցող 12 քաղաքական ուժի հայտարարագրած ու ծախսած …