Հինգշաբթի , Հոկտեմբերի 17 2019
Սկիզբ / Մամուլի տեսություն / Թալանել են Մանվել Գրիգորյանի տղայի տունը. տարել են թանկարժեք իրեր, բնանկարներ և «Վինչեստեր» տիպի հրացանը Shamshyan

Թալանել են Մանվել Գրիգորյանի տղայի տունը. տարել են թանկարժեք իրեր, բնանկարներ և «Վինչեստեր» տիպի հրացանը Shamshyan

SHAMSHYAN.com-ի տեղեկություններով՝ Հայաստանի քննչական կոմիտեի Արմավիրի մարզային քննչական վարչության Վաղարշապատի քննչական բաժնում հարուցվել է քրեական գործ՝ խոշոր չափի գողության փաստով:

Ինչպես հայտնում է ֆոտոլրագրող Գագիկ Շամշյանը, երեկ՝ փետրվարի 24-ին, ոստիկանության Վաղարշապատի բաժին է դիմել Էջմիածին քաղաքի բնակիչ, 35-ամյա Հռիփսիմե Հակոբյանը և հայտնել, որ փետրվարի 23-ին, այցելելով Արշալույս գյուղի 17-րդ փողոցում գտնվող իր առանձնատուն, հայտնաբերել է առաջին հարկի խոհանոցի պատուհանի երկաթյա ճաղավանդակը կոտրած, այնուհետև մտնելով ներս, հայտնաբերել է տունը տակնուվրա արված:

Ֆոտոլրագրողի տեղեկություններով՝ Հ. Հակոբյանը ոստիկաններին հայտնել է, որ անհայտ անձը կամ անձինք տան սենյակներից գողացել են տարբեր տեսակի իրեր, առարկաներ, բնանկարներ և այլ թանկարժեք ապրանքներ: Նրանք գողացել են նաև ամուսնուն՝ 40-ամյա Կարեն Գրիգորյանին պատկանող հագուստները, ինչպես նաև «Վինչեստեր» տիպի հրացանը ՝ պատյանի և փաստաթղթերի հետ: Դեպքի վայր են ժամանել ոստիկանության Արմավիրի մարզային վարչության օպերատիվ խումբը՝ մարզի ոստիկանապետի ժամանակավոր պաշտոնակատար Սամվել Խմելյանի, ոստիկանության Էջմիածնի բաժնի պետ Գևորգ Հակոբյանի և Վաղարշապատի քննչական բաժնի պետ Կարեն Խաչատրյանի գլխավորությամբ:

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական գործողություններ՝ կատարած անձի կամ անձանց ինքնությունը պարզելու, նրանց և գողոնը հայտնաբերելու ուղղությամբ: 

Source: USAArmenia

Մասին USArmeniaNews.com

Կարդացեք նաև

«Բարերար» Դոն Պիպոյի հորը կասկածում են խաղող գողանալու մեջ. «Հրապարակ»

 «Հրապարակ». Տեղեկություններ ստացանք, որ այսօր ոստիկանությունը Արթուր Ասատրյանի՝ Դոն Պիպոյի հոր՝ Էջմիածնում գտնվող տան այգում …