Կիրակի , Օգոստոսի 18 2019
Սկիզբ / Պաշտոնական լրահոս / ՀՀ գլխավոր հյուպատոսի հանդիպումը Ամերիկայի հրեական կոմիտեի Լոս Անջելեսի մասնաճյուղի աշխատակազմի ղեկավարի հետ

ՀՀ գլխավոր հյուպատոսի հանդիպումը Ամերիկայի հրեական կոմիտեի Լոս Անջելեսի մասնաճյուղի աշխատակազմի ղեկավարի հետ

Մարտի 5-ին Լոս Անջելեսում ՀՀ գլխավոր հյուպատոս Արմեն Բայբուրդյանն ընդունեց Ամերիկայի հրեական կոմիտեի Լոս Անջելեսի մասնաճյուղի աշխատակազմի ղեկավար Դգանիտ Աբրամոֆին և մասնաճյուղի տնօրենի տեղակալ Սիամակ Քորդեստանիին:

Դգանիտ Աբրամոֆը ներկայացրեց Ամերիկայի հրեական կոմիտեի` որպես ԱՄՆ հնագույն և կարևորագույն հրեական կազմակերպություններից մեկի, կառուցվածքը, գործառույթները, գործունեության ոլորտները: Հյուրերը պատրաստակամություն հայտնեցին համագործակցել Լոս Անջելեսում ՀՀ գլխավոր հյուպատոսության հետ, սերտացնել Կալիֆորնիայի հայկական և հրեական համայնքների միջև կապերը:

Արմեն Բայբուրդյանը շնորհակալություն հայտնեց այցի և համագործակցության պատրաստակամության համար: Նա նշեց հայ և հրեա ժողովուրդների միջև գոյություն ունեցող պատմական ընդհանրությունները, հակիրճ ներկայացրեց տարածաշրջանային անվտանգության հարցերին առնչվող ՀՀ արտաքին քաղաքականության մոտեցումները, Լեռնային Ղարաբաղի հակամարտության կարգավորման ներկա բանակցային փուլը, անդրադարձավ հայ-թուրքական հարաբերություններին: Դեսպան Բայբուրդյանը կարևորեց Կալիֆորնիայի հայ և հրեա համայնքների միջև սերտ և գործնական կապերի հաստատումը և պատրաստակամություն հայտնեց ամենայն օժանդակություն ցուցաբերել այդ գործընթացին:

Source: USAArmenia

Մասին USArmeniaNews.com

Կարդացեք նաև

Գլխավոր հյուպատոս Բայբուրդյանը մասնակցեց Լոս Անջելեսի Աթանյան արվեստի կենտրոնի հիմնադրման 25-ամյակին նվիրված միջոցառմանը

Մարտի 13-ին ՀՀ գլխավոր հյուպատոս Արմեն Բայբուրդյանը մասնակցեց Լոս Անջելեսի Աթանյան արվեստի կենտրոնի հիմնադրման 25-ամյակին …