Կիրակի , Հունիսի 16 2019
Սկիզբ / Հասարակություն / Դատարանը մերժեց Մանվել Գրիգորյանի կալանավորման ժամկետը երկարաձգելու դեմ . պաշտպան Արսեն Մկրտչյան

Դատարանը մերժեց Մանվել Գրիգորյանի կալանավորման ժամկետը երկարաձգելու դեմ . պաշտպան Արսեն Մկրտչյան

«Դատարանը մերժեց Մանվել Գրիգորյանի կալանավորման ժամկետը երկարաձգելու դեմ մեր կողմից ներկայացրած բողոքը»,- այսօր դատարանում հայտարարեց ԱԺ նախկին պատգամավոր, գեներալ Մանվել Գրիգորյանի պաշտպան Արսեն Մկրտչյանը:

Փաստաբանը սակայն հավելեց, որ դատարանի կողմից վերացվել է տեսակցությունների և հեռախոսային խոսակցությունների արգելքը:
«Նախաքննական մարմինը նման որոշում է կայացրել Գրիգորյանի գործով ՄԻԵԴ ներկայացված բողոքից հետո: Սակայն իմ պաշտպանյալի առողջական վիճակը գնալով վատթարանում է: Միայն քաղաքացիական հիվանդանոցում գտնվելու հանգամանքն է քիչ թե շատ կայուն պահում Գրիգորյանի առողջական վիճակը»,- նշեց նա:
Հիշեցնենք, որ Մանվել Գրիգորյանը կալանավորվել է հունիսի 19-ին`Երևանի ընդհանուր իրավասության դատարանի դատավոր Մարինե Մելքոնյանի որոշմամբ: Գրիգորյանին մեղադրանք է առաջադրվել ապօրինի կերպով ռազմամթերք ձեռք բերելու և նրա կնոջ` Նազիկ Ամիրյանի, դստեր` Այծեմնիկ Գրիգորյանի, Էջմիածին քաղաքի բնակիչներ Սեյրան Ազարյանի, Արմեն Հակոբյանի և այլ անձանց հետ նախնական համաձայնությամբ իրեն պատկանող առանձնատներում պահելու համար, ինչպես նաեւ՝ մի խումբ անձանց հետ նախնական համաձայնությամբ յուրացման եղանակով իր վստահությանը հանձնված առանձնապես խոշոր չափի ուրիշի գույք հափշտակելու համար:
Source: USAArmenia

Մասին USArmeniaNews.com

Կարդացեք նաև

Զինվորի բաժին «տուշոնկաները» «միտումնավոր են տեղադրվել, բերվել են երրորդ անձի կողմից» Մանվել Գրիգորյանի տարածք. Արսեն Մկրտչյան

Գեներալ Մանվել Գրիգորյանի կալանքը երկու ամսով երկարացնելու որոշման դեմ բողոքի քննությունն էր Վերաքննիչ քրեական դատարանում: …