Երկուշաբթի , Սեպտեմբերի 16 2019
Սկիզբ / Հասարակություն / Ռոբերտ Քոչարյանի պաշտպանների բողոքը մերժվել է.

Ռոբերտ Քոչարյանի պաշտպանների բողոքը մերժվել է.

ՀՀ վերաքննիչ քրեական դատարանը մերժել է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը ևս երկու ամիս ժամանակով երկարաձգելու վերաբերյալ առաջին ատյանի դատարանի որոշման դեմ պաշտպանական խմբի կողմից ներկայացված բողոքը:

Լրագրողների հետ զրույցում այս մասին ասաց մեղադրող Պետրոս Պետրոսյանը:
«Պաշտպանների բողոքը մերժվել է»,- նշեց Պետրոսյանը:
2008 թվականի մարտի 1-2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ քրեական գործով ՀՀ երկրորդ նախագահ Ռոբերտ Քոչարյանին, ՀՀ պաշտպանության նախկին նախարար Միքայել Հարությունյանին և ՀԱՊԿ գլխավոր քարտուղար Յուրի Խաչատուրովին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նրանք այլ անձանց հետ նախնական համաձայնությամբ տապալել են Հայաստանի Հանրապետության սահմանադրական կարգը: Միքայել Հարությունյանի նկատմամբ հետախուզում է հայտարարվել, Յուրի Խաչատուրովը 5 միլիոն դրամ գրավի դիմաց ազատ է արձակվել, իսկ Ռոբերտ Քոչարյանը կալանավորվել է: Ռոբերտ Քոչարյանի պաշտպանները բողոքարկել էին կալանավորման որոշումը:
Source: USAArmenia

Մասին USArmeniaNews.com

Կարդացեք նաև

Մեկ տարուց ավելի է՝ Քոչարյանի պաշտպանական խումբը փաշինյանական Հայաստանում արդարություն է փնտրում

Օգոստոսի 31-ին, Արցախի առաջին նախագահ, ՀՀ երկրորդ նախագահ Ռոբերտ Քոչարյանը դարձավ 65 տարեկան: Կյանքի մեծ …