Երկուշաբթի , 30 Մարտի 2020
Սկիզբ / Պաշտոնական լրահոս / Վահե Ղազարյանը նշանակել է ՀՀ ոստիկանության զորքերի հրամանատար, ոստիկանության պետի տեղակալ

Վահե Ղազարյանը նշանակել է ՀՀ ոստիկանության զորքերի հրամանատար, ոստիկանության պետի տեղակալ

ՀՀ նախագահը հրամանագիր է ստորագրել, որով Վահե Ղազարյանին նշանակել է Հայաստանի Հանրապետության ոստիկանության զորքերի հրամանատար, ոստիկանության պետի տեղակալ։

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 2-րդ մասի, «Ոստիկանությունում ծառայության մասին» օրենքի 13-րդ հոդվածի 4-րդ մասի և 13.1-ին հոդվածի 3-րդ մասի.
Վահե Ղազարյանին նշանակել Հայաստանի Հանրապետության ոստիկանության զորքերի հրամանատար, ոստիկանության պետի տեղակալ»,– ասվում է նախագահի հրամանագրում:
Նշենք, որ նախկինում այդ պաշտոնն զբաղեցնում էր Լյովա Երանոսյանը, որն այժմ մեղադրվում է 2018-ի ապրիլյան իրադարձությունների ժամանակ նա հատուկ միջոցների գործադրմամբ դիտավորությամբ այնպիսի գործողություններ կատարելու մեջ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։
Գնդապետ Վահե Ղազարյանը նախքան այս պաշտոնում նշանակվելը, Տավուշի մարզային վարչության պետն էր: Նախկինում նա նաև զբաղեցրել է Ոստիկանության Դիլիջանի մարզային վարչության պետի պաշտոնը։
Source: USAArmenia

Մասին USArmeniaNews.com

Կարդացեք նաև

Արամ Վարդանյանը Էրեբունու շրջանում տեղի ունեցած կրակոցների, սպանության փորձի, առեւանգման եւ կողոպուտի դեպքով մեղադրյալ է. Քննչական կոմիտե

ՀՀ քննչական կոմիտեն «Վստրեչի Ապեր» մականունով հայտնի Արամ Վարդանյանը Էրեբունի վարչական շրջանում տեղի ունեցած կրակոցների, …