Երեքշաբթի , 14 Հուլիսի 2020
Սկիզբ / Հասարակություն / ՍԴ-ի որոշումից հետո ընդհանուր իրավասության դատարանը չի կարող չփոխել Ռոբերտ Քոչարյանի խափանման միջոցը.փաստաբան Արամ Վարդևանյան

ՍԴ-ի որոշումից հետո ընդհանուր իրավասության դատարանը չի կարող չփոխել Ռոբերտ Քոչարյանի խափանման միջոցը.փաստաբան Արամ Վարդևանյան

Սահմանադրական դատարանի որոշումից հետո ընդհանուր իրավասության դատարանը չի կարող չփոխել Ռոբերտ Քոչարյանի խափանման միջոցը: Այս մասին լրագրողներին ասաց ՍԴ-ում Քոչարյանի շահերը ներկայացնող փաստաբան Արամ Վարդևանյանը:

«ՍԴ որոշումը պատադիր է և դատական մարմինների համար, և գործադիր մարմնի, և բոլորի համար: Եվ ՍԴ որոշումը չկատարելը քրեորեն հետապնդելի է, չկա նման հնարավորություն: ՍԴ որոշումը նշանակում է՝ երկրորդ նախագահի կալանավորումը խախտել է իր անձնական ազատության իրավունքը»,- ասաց նա:
Հարցին, թե այս որոշումը տանելու են կալանավա՞յր, որպեսզի նրան ազատ արձակեն, թե՞ դատարանը պետք է որոշում կայացնի, Վարդևանյանը պատասխանեց. «Խափանման միջոցի վերանայման հնարավորությունը տվյալ դեպքում երկու տեսանկյունից կարող է լինել՝ առաջինը, դա կարող է լինել քրեակատարողական ծառայության կողմից: Երկրորդ տարբերակը վարույթ իրականացնողն մարմինն է՝ այսօրվա դրությամբ ընդհանուր իրավասության դատարանը՝ նախագահող Դանիբեկյանի գլխավորությամբ:
ՍԴ որոշումը ուժի մեջ է մտնում հրապարակման օրից, բայց, ցավոք սրտի, մեզ մոտ նման պրակտիկա չկա, որ դատարանները նման դեպքում անհապաղ նիստ գումարեն»:
Source: USAArmenia

Մասին USArmeniaNews.com

Կարդացեք նաև

Դեղին քարտ՝ իշխանություններին. կարմիր գծեր են հատվել

Նախօրեին «Արմնյուզ»-ի ու «5-րդ ալիքի» ուղղությամբ ոստիկանության դրսևորած մանրախնդրությունը, որը շատերը գնահատում են՝ վերևից իջած պատվեր՝ քաղաքականենթատեքստ ունեցող, բավական լայն արձագանք է ստացել  նաև աշխարհում. մասնավորապես՝ տեղի ունեցածին անդրադարձ են կատարել համաշխարհային մամուլիայնպիսի հսկաներ, ինչպիսիք The Washington Post, The New York Times  պարբերականներն են ու ABC հեռուստաալիքը: Համաշխարհային հեղինակավոր ԶԼՄ-ներն, ըստէության, ոչ երկիմաստ կերպով իրենց ուղերձն են փոխանցել հայաստանյան իշխանություններին: Միաժամանակ ակնհայտ է, որ նախազգուշական այդ ուղերձներիհեղինակները ոչ միայն կամ գուցե ոչ այնքան համապատասխան ԶԼՄ-ների խմբագրություններն  են, որքան՝ այն շրջանակները, որոնք, ըստ էության, կանգնած են դրանց թիկունքին: Հայաստանում մամուլի, խոսքի ազատության նկատմամբ դրսևորվող ոչ բարեհաճ վերաբերմունքը …