Սկիզբ / Սփյուռք / Նարեկ ու Նաիրա Մանուկյանների ընտանիքին ցանկանում ենք հավերժական Սեր, Ամրություն և Երջանկություն

Նարեկ ու Նաիրա Մանուկյանների ընտանիքին ցանկանում ենք հավերժական Սեր, Ամրություն և Երջանկություն

Հայ ավանդական ընտանիքն արդարև համարվում է հայության գոյապահպանման կարևորագույն գրավականներից մեկը:

Հանդիսանալով համաշխարհային ազգ, սփռված աշխարհի չորս ծագերով, հայությունը կարողացել է ինքնապահպանվել բացառապես մեկ բանի շնորհիվ՝ մայրենի լեզվի, հայոց դավանանքի և դրանից բխող ընտանեկան ավանդական արժեքների նկատմամբ ունեցած անսահման ակնածանքի:
3 տարի առաջ էր, երբ Նաիրա Մարուքյանն իր ընտանիքով Հայաստանից տեղափոխվեց իսպանական Բարսելոն՝ պատկերացում անգամ չունենալով, թե իսպանական այդ չքնաղ գոհարն ինչ դեր է խաղալու իր կյանքում:
Գեղեցկուհի հայուհին այնտեղ պետք է հանդիպեր իր միակին, ապագա ամուսնուն՝ Նարեկ Մանուկյանին՝ նրա հետ ապրելու մի ողջ կյանք, ձեռք ձեռքի տված հաղթահարելու կյանքի դժվարություններն ու վայելելու սքանչելիքները:

Նարեկը, ով Բարսելոնա քաղաքում հարգարժան հայ ընտանիքի Գոռ և Քրիստինե Մանուկյանների որդին է, Նաիրայի հետ ծանոթացել էր վերջինիս եղբոր հետ ընկերություն անելու ընթացքում: Շուտով սեր է ծագում նրանց միջև, ինչից հետո Նարեկը, սիրավառված Նաիրայի սիրով, ( 3 տարի առաջ էր մահացել աղջկա հայրը՝ Արմեն Մարուքյանը) եղբորից՝ Հարություն Մարուքյանից խնդրում է քրոջ ձեռքն ու չի մերժվում:
Սովորաբար ընտանեկան արժեքների պահպանության, հայ ընտանիքի ամրության հարցում մեծ դեր ունեն հատկապես քավորները, որոնք, ստանձնելով այդ յուրատեսակ առաքելությունը, հանձն են առնում մինչև վերջ ուղեկցելու ընտանիքին, կիսելու նրա հոգսերն ու ուրախությունները:
Եվ, ահա, քավորությամբ՝ Բարսելոնում մեծ ճանաչում ունեցող ու հարգանք վայելող Նորայր և Մարինա Ասատրյանների՝ Օգոստոսի 10-ին տեղի ուենցավ երկու հայ երիտասարդների, իրար սիրող սրտերի միությունը ամրագրող հարսանյաց արարողությունը, որին և՛ հարսի, և՛ փեսայի կողմից հրավիրվել էին բազմաթիվ հյուրեր աշխարհի տարբեր տեղերից՝ ԱՄՆ-ից, Ֆրանսիայից, Բրյուսելից, Բելգիայից, Հայաստանից:
Տեր և տիկին Ասատրյանները Աստծո և մարդկանց առաջ ստանձնեցին հայ օջախի պահապանի բացառիկ առաքելությունը, քավորության պատասխանատու, բայց քաղցր պարտականությունը: Զույգերը միմյանց հավատարմության երդում տվեցին տեղի նշանավոր «Tibidabo» եկեղեցում, իսկ խնջույքը, որն անցավ աննախադեպ մթնոլորտում, տեղի ունեցավ քաղաքի լավագույն սրահներից մեկում՝ «Torre del Pi» ում:
Ամեն ագամ տեսնելով Սփյուռքում մի նոր հայ ավանդական ընտանիքի ծնունդ՝ սիրտդ փառավորվում է, լցվում ես անասելի ուրախությամբ: Միաժամանակ, սակայն, յուրատեսակ թախիծ է պատում սիրտդ, որ նոր ընտանիքի ստեղծմանն ականատես ես դառնում ոչ թե Մայր հայրենիքում, այլ՝ Սփյուռքի այս կամ այն գաղթօջախում:

Նկարում՝ հարսի  մայրն ու եղբայրը՝ Քրիստինե Խաչատրյան և Հարություն Մարուքյան
Այս հրաշալի հարսանիքը ևս մեկ անգամ ապացուցեց, սակայն, որ հայը մնում է հայ, իր ՀԱՅ կոչմանը հավատարիմ՝ անկախ այն բանից, թե որտեղ է գտնվում, ինչ ազգություններով է շրջապատված:
«USArmenianews.com» լրատվական կայքը սիրով միանում է հնչած շնորհավորանքներին ու բազմաթիվ բարեմաղթանքներին՝ ցանկանալով Նարեկ ու Նաիրա Մանուկյանների ընտանիքին հավերժական Սեր, Ամրություն և Երջանկություն:
Արդարև, այսօրինակ ընտանիքներն են այն կարևորագույն բջիջը, որի ամրությունից ու դավանած արժեքներից է շատ իմաստներով կախված հայության գոյատևման հավերժությունը և՛ անցյալում, և՛ ներկայում ու ապագայում:
Գայանե Մանուկյան
Source: USAArmenia

Մասին USArmeniaNews.com

Կարդացեք նաև

Մենք միջոցներ ենք ձեռնարկելու, որպեսզի Նարեկ Մալյանը (դատական կարգով) պատասխանատվության կանչվի.Դանիել Իոաննիսյան

Ինչպես երևի հիշում եք, օգոստոսին Երևան քաղաքի ընդհանուր իրավասության դատարանը ընդդեմ Նարեկ Մալյանի իմ հայցով …