Շաբաթ , Հոկտեմբերի 19 2019
Սկիզբ / Պաշտոնական լրահոս / Հարց. Պարոն Ծառուկյան, Ձեզ խնդրել և հորդորել են «Հայելու առաջ» հաղորդաշարը փակե՞լ. Զարուհի Փոստանջյան

Հարց. Պարոն Ծառուկյան, Ձեզ խնդրել և հորդորել են «Հայելու առաջ» հաղորդաշարը փակե՞լ. Զարուհի Փոստանջյան

Հարգելի պարոն Ծառուկյան,

Ձեզ պատկանող «Կենտրոն» հեռուստաընկերության եթերում արդեն մի քանի օր է չի հեռարձակվում լրագրող Անժելա Թովմասյանի «Հայելու առաջ» հեղինակային հաղորդաշարը։
Հանրային լայն շրջանակներում առաջացել է հարցապնդում, մասնավորապես՝ ինչո՞վ է պայմանավորված հաղորդման եթեր չհեռարձակվելը:
Ելնելով հանրային հետաքրքրությամբ պայմանավորված հարցի կարևորությունից՝ խնդրում եմ հայտնել.
Դուք, տիրապետելով ձեռնարկատիրական հմտություններին, ունենալով պարզ հաշվարկ, որ «Հայելու առաջ» հաղորդաշարը զգալի ազդեցություն ունի «Կենտրոն» հեռուստաընկերության վարկանիշի բարձացման տեսանկյունից՝ ճշտգրիտ նախատեսել եք, որ ինչ-ինչ քաղաքական նկատառումներից ելնելով, սույն հաղորդաշարը սեփական նախաձեռնությամբ փակելու դեպքում՝ ինչպիսի՞ն կլինեն դրա երկարաժամկետ հետևանքները ընկերության և հանրության վրա:
Եթե Ձեզ խնդրել և հորդորել են «Հայելու առաջ» հաղորդաշարը փակել, արդյո՞ք այս կապակցությամբ կրկին վերապրեցիք ավտորիտարիզմի ճնշումը:
Շուրջ երկու տասնամյակ զբաղվելով քաղաքական գործունեությամբ՝ անշուշտ քաջատեղյակ եք, որ հատկապես լարված քաղաքական շրջանում գործադիր իշխանությունը խոշորացույցի տակ է առնում քաղաքական հաղորդումները և տարբեր բնույթի ցուցումներ իջեցնում լրատվամիջոցներին։ Այս համատեքստում խնդրում եմ հայտնել, թե կարո՞ղ ենք արդյոք բացառել «Հայելու առաջ» հաղորդաշարի ժամանակավոր եթերազրկման փաստը՝ այն չպայմանավորելով վերոնշյալ արատավոր երևույթով և հաստատել, որ «Հայելու առաջ» հաղորդաշարը կշարունակի իր բնականոն աշխատանքը «Կենտրոն» հեռուստաընկերության եթերում:
Կարո՞ղ ենք արդյոք ձեռնոց նետել կառավարությանը` զգուշացնելով, որ Դուք հարգում և պաշտպանում եք խոսքի և լրագրության ազատությունը:
Այսօր, երբ հայ հասարակությունը կրկին գտնվում է շրջադարձային փուլում, խոսքի ազատության իրավունքի նկատմամբ հարգանքը և կառավարությունից տարբերվող կարծիքներ ներկայացնող քաղաքական հաղորդումները առավել պահանջված են։ Հետևաբար, արդյո՞ք պատրաստ եք սատարել ազատությունը, «որը առաջին հերթին իրավունք է մարդկանց ասել այն, ինչ նրանք չեն ցանկանում լսել»:
Հարգանոք`
Զարուհի Փոստանջյան
«Երկիր Ծիրանի» կուսակցության նախագահ
Source: USAArmenia

Մասին USArmeniaNews.com

Կարդացեք նաև

Whօ Is Mister Pashinyan? . politeconomy

Իշխանափոխությունը Հայաստանի հանրությունը ողջունել է, անգամ՝ նախկին իշխանությունների բազմաթիվ ներկայացուցիչներ։ Որքան էլ զարմանալի չլինի, այսօր …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով