Չորեքշաբթի , 28 Հոկտեմբերի 2020

«Իրատես». Աղվան Հովսեփյանը համագործակցում է իշխանությունների հետ. նա «խոշոր ձկների» կենսագրությունը լավ գիտի

«Իրատես» թերթը գրում է. «Օրերս խորհրդարանում ունեցած ճեպազրույցի ժամանակ լրագրողները քննչական կոմիտեի նախագահ Հայկ Գրիգորյանից հետաքրքրվեցին նաեւ ՔԿ նախկին պետ, նախկին դատախազ Աղվան Հովսեփյանի «որպիսությամբ»:

«Անընդհատ տեսակետներ են հնչում, որ պետք է ուսումնասիրել Աղվան Հովսեփյանի գործունեությունը, անգամ պետք է մեղադրանք առաջադրվի։ Նրա գործունեության հետ կապված՝ կոմիտեում ուսումնասիրություններ կատարվո՞ւմ են, փաստաթղթեր չե՞ն ուզում Ձեզնից»,- հարցրեց լրագրողներից մեկը:
Հայկ Գրիգորյանը խուսափողական պատասխան տվեց, ասելով, թե, քրեական դատավարության 190-րդ հոդվածի համաձայն, պաշտոնատար այդ անձինք իրենց սուբյեկտները չեն. «Հարցի հասցեատերը ես չեմ»:
«Իրատեսի» տեղեկություններով՝ իշխանություններն Աղվան Հովսեփյանով ոչ միայն չեն հետաքրքրվում, այլեւ համագործակցում են նրա հետ:
«Պարոն Հովսեփյանը հաճախ է խորհուրդներ տալիս ուժային կառույցներին: Քանի որ աշխատանքային բազմամյա փորձ ունի, «խոշոր ձկների» կենսագրությունն ու գործունեությունը լավ գիտի, փորձում է օգտակար լինել, ինչ-ինչ բաներ հուշել եւ այլն: Այս հանգամանքը հաշվի առնելով էլ, ըստ երեւույթին, նրա նկատմամբ իրավական որեւէ գործընթաց ո՛չ այժմ, ո՛չ առաջիկայում չի սկսվի»:
Առավել մանրամասն՝ թերթի այսօրվա համարում
Source: USAArmenia

Մասին USArmeniaNews.com

Կարդացեք նաև

ԱՄԵՐԻԿԱՀԱՅ ՃԱՐՏԱՐԱԳԵՏՆԵՐԻ ԵՎ ԳԻՏՆԱԿԱՆՆԵՐԻ ԸՆԿԵՐԱԿՑՈՒԹՅԱՆ ՆՈՐԸՆՏԻՐ ԽՈՐՀՐԴԻ ԱՆԴԱՄՆԵՐՆ ԱՅՑԵԼԵՑԻՆ ՀՀ ԳԼԽԱՎՈՐ ՀՅՈՒՊԱՏՈՍՈՒԹՅՈՒՆ

ԳԼԵՆԴԵՅԼ – Մարտի 7-ին ՀՀ գլխավոր հյուպատոս, դեսպան Արմեն Բայբուրդյանն ընդունեց Ամերիկահայ ճարտարագետների և գիտնականների …