Հինգշաբթի , Նոյեմբերի 21 2019
Սկիզբ / Հասարակություն / ԸՍՏ Freedom House-ի 1998-2005 ԹՎԱԿԱՆՆԵՐԻՆ ՀԱՅԱՍՏԱՆՈՒՄ ԱԶԱՏՈՒԹՅՈՒՆՆԵՐԸ ԵՂԵԼ ԵՆ ՆՈՒՅՆ ՄԱԿԱՐԴԱԿՈՒՄ ԻՆՉ 2018 ԹՎԱԿԱՆԻ «ՀԵՂԱՓՈԽՈՒԹՅՈՒՆԻՑ» ՀԵՏՈ

ԸՍՏ Freedom House-ի 1998-2005 ԹՎԱԿԱՆՆԵՐԻՆ ՀԱՅԱՍՏԱՆՈՒՄ ԱԶԱՏՈՒԹՅՈՒՆՆԵՐԸ ԵՂԵԼ ԵՆ ՆՈՒՅՆ ՄԱԿԱՐԴԱԿՈՒՄ ԻՆՉ 2018 ԹՎԱԿԱՆԻ «ՀԵՂԱՓՈԽՈՒԹՅՈՒՆԻՑ» ՀԵՏՈ

Նիկոլ Փաշինյանն իր ֆեյսբուքյան էջում հղում կատարելով Freedom House միջազգային իրավապաշտպան կազմակերպության զեկույցին հայտարարել է, որ համացանցի ազատության տեսակետից 2019 թվականին Հայաստանը մեծ առաջընթաց արձանագրելով բարձրացել է 8-րդ հորիզոնականի (նախորդ տարվա 13-րդի փոխարեն), բնականաբար դա համարելով «2018 թվականին՝ ոչ բռնի, թավշյա, ժողովրդական, հեղափոխության արդյունքը»:

Սա առաջին անգամը չէ, որ միջազգային կազմակերպությունների զեկույցներից որոշ հատվածներ հրապարակելով Նիկոլ Փաշինյանը փորձում է իրեն ցանկալի եզրակացություններ կատարել:
Դիմելով Freedom House միջազգային իրավապաշտպան կազմակերպության տարեկան զեկույցներին ու համեմատելով Ռոբերտ Քոչարյանի նախագահության շրջանում, նաև «ոչ բռնի, թավշյա, ժողովրդավարական հեղափոխությունից» հետո արձանագրված ազատության հիմնական ցուցանիշները, պարզվում է թե դրանք գրեթե նույնն են:

Freedom House միջազգային իրավապաշտպան կազմակերպության կայքում հասանելի են Հայաստանում ազատությունների հետ կապված 1999 թվականից մինչ այսօր արձանագրված ցուցանիշները: (https://freedomhouse.org/report/freedom-world/2018/armenia)
Ցուցանիշները վերաբերում են «Ազատության վարկանիշ» («ԱՎ»), «Քաղաքացիական ազատություններ» («ՔԱ») և «Քաղաքական իրավունքներ» («ՔԻ») ոլորտներին, որոնք գնահատվում են 1-ից 7 թվանշաններով (1=լավ, 7=վատ):
1998 թվականին՝ Ռոբերտ Քոչարյանի նախագահության շրջանի սկզբում, Հայաստանում բոլոր երեք ոլորտները Freedom House-ի կողմից 4 է գնահատվել, ինչը նույնությամբ պահպանվել է մինչև 2005 թվականը երբ Հայաստանում «ԱՎ»-ն իջել է 4,5-ի, «ՔԻ»-ն՝ 5-ի, իսկ «ՔԱ» մնացել է նույն 4-ը: Նույն ցուցանիշներն անփոփոխ են մնացել մինչև 2008 թվականը: 2008 թվականին կապված մարտի 1-ի իրադարձությունների հետ Հայաստանում «ԱՎ»-ն իջել է ևս 0,5 նիշով (5), «ՔԱ»-ն մնացել է նույն 4-ը, իսկ «ՔԻ»-ն իջել է 6-ի: 2012 թվականից սկսած իրավիճակը սկսել է կրկին բարելավել: Հայաստանում «ԱՎ»-ն գնահատվել է 4,5, «ՔԻ»-ն՝ 5, իսկ «ՔԱ»-ն մնացել է նույն 4-ը: Հիշյալ ցուցանիշները նույնությամբ պահպանվել են մինչև 2017 թվականի ավարտը:
2019 թվականի տարեկան զեկույցում, որտեղ ներկայացված են 2018 թվականի «ոչ բռնի, թավշյա, ժողովրդական, հեղափոխության» արդյունքում գրանցված առաջընթացի տվյալները, Հայաստանում հիշյալ երեք գլխավոր ոլորտները գնահատվել են 4 թվանշանով: Դա նույն գնահատականն է ինչ 1998-ից 2005 թվականների ընթացքում՝ Ռոբերտ Քոչարյանի նախագահության տարիներին, տրվել է հիշյալ ոլորտներին:
Կարելի է եզրակացնել, որ հիմք ընդունելով Նիկոլ Փաշինյանի մատնանշած Freedom House-ի տարեկան զեկույցները Հայաստանում 2018 թվականի «ոչ բռնի, թավշյա, ժողովրդական, հեղափոխության» արդյունքում ազատության տեսակետից ընդամենը վերականգնվել են Ռոբերտ Քոչարյանի ժամանակ արդեն իսկ նվաճված համեմատաբար բարձր ցուցանիշները:

Ռոբերտ Մարգարյան

Source: USAArmenia

Մասին USArmeniaNews.com

Կարդացեք նաև

Սինանյանը «պայթեցրեց» Փաշինյանի փուչիկը. «168 »

Այն հանգամանքը, որ վերջին մեկուկես տարիների ընթացքում մենք ականատես ենք դառնում, թե ինչպես են ՀՀ …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով