Սկիզբ / Չդասակարգված / ԱՐՏԱՔԻՆ ՔԱՂԱՔԱԿԱՆՈՒԹՅԱՆ ՈՒՂՂՎԱԾՈՒԹՅՈՒՆԸ ԿԱՐՈՂ Է ՓՈԽՎԵԼ, ՏՐԱՄԱԲԱՆՈՒԹՅՈՒՆԸ՝ Ո՛Չ

ԱՐՏԱՔԻՆ ՔԱՂԱՔԱԿԱՆՈՒԹՅԱՆ ՈՒՂՂՎԱԾՈՒԹՅՈՒՆԸ ԿԱՐՈՂ Է ՓՈԽՎԵԼ, ՏՐԱՄԱԲԱՆՈՒԹՅՈՒՆԸ՝ Ո՛Չ

Համացանցում ժամեր է ինչ բուռն կերպով քննարկվում է ՀՀ ԱԳ նախարար Զոհրաբ Մնացականյանի և ԱԽ քարտուղար Արմեն Գրիգորյանի մասնակցությամբ լրագրողական փակ քննարկման մասին Դանիել Իոաննիսյանի ֆեյսբուքյան գրառումը: Ուշադրության կենտրոնում բնականաբար գրառման Արցախյան բաժինն է: Այդուհանդերձ այդտեղ գոյություն ունի նաև հետաքրքիր մի արձանագրում, որը կարծես թե հանրության ուշադրությունից վրիպել է:

Պարզվում է, որ քննարկման ժամանակ լրագրողները տեղեկացել են Հայաստանի «արտաքին քաղաքականության տրամաբանության փոփոխության» մասին: Խոսքն իհարկե ոչ թե արտաքին քաղաքականության «ուղղվածության» այլ «տրամաբանության» փոփոխության մասին է: Արտաքին քաղաքականության ուղղվածությունը կարող է փոխվել ցանկացած իշխանության միջոցով, օրինակ ԵՄ-ից փոխվելով ԵԱՏՄ-ի, ՆԱՏՕ-ից փոխվելով ՀԱՊԿ-ի կամ ընդհակառակը, սակայն տրամաբանությունը՝ ո՛չ:
Հայաստանի Հանրապետության արտաքին քաղաքականության գլխավոր ու հիմնական տրամաբանությունն ամրագրված է ՀՀ Սահմանադրության 13-րդ հոդվածով, որտեղ հստակեցված է. «Հայաստանի Հանրապետության արտաքին քաղաքականությունն իրականացվում է միջազգային իրավունքի հիման վրա՝ բոլոր պետությունների հետ բարիդրացիական, փոխշահավետ հարաբերություններ հաստատելու նպատակով»:
Արտաքին քաղաքականության տրամաբանության մեջ ի՞նչ փոփոխության մասին է խոսքը: Ո՞ւմ, կամ ի՞նչ կառույցի որոշմամբ, ե՞րբ և ի՞նչ ընթացակարգով է փոփոխություն կատարվել արտաքին քաղաքականության տրամաբանության մեջ:
Ի դեպ, հոկտեմբերի սկզբին ավարտվեց Հայաստանում ԻԻՀ դեսպան Սեյեդ Քազեմ Սաջադիի պաշտոնավարության շրջանը: Անցած հուլիսին ԻԻՀ նախագահ Հասան Ռոհանին ընդունեց Հայաստանում ԻԻՀ նորանշանակ դեսպան Աբբաս Բադախշան Զոհուրիին, ինչը նշանակում է, թե նոր դեսպանի անունը պարզ է եղել դեռ անցած ամռանը: Արդեն ավարտին է մոտենում դեկտեմբերը, սակայն ոչ միայն ՀՀ նախագահ Արմեն Սարգսյանը դեռ պաշտոնապես չի ընդունել Հայաստանում Իրանի նորանշանակ դեսպանի հավատարմագիրը, այլև Հայաստանում Իրանի նոր դեսպանի նշանակման մասին որևէ լրատվություն չի կատարվել հայկական ԶԼՄ-ներում:
 
Ռոբերտ Մարգարյան
 
Source: USAArmenia

Մասին USArmeniaNews.com

Կարդացեք նաև

Իրանի դեսպանի հետ հանդիպման մասին այս պահին ոչ ՀՀ վարչապետի կայքում եւ ոչ էլ հայաստանյան ԶԼՄ-ներում որեւէ անդրադարձ չկա.Ռոբերտ Մարգարյան

Ուրբաթ մարտի 27-ի երեկոյան ՀՀ վարչապետ Նիկոլ Փաշինյանն ընդունել է Հայաստանում ԻԻՀ նորանշանակ դեսպան Աբբաս …