Հինգշաբթի , 29 Հոկտեմբերի 2020

Հայոց բանակի ծննդյան 28-ամյակն է, ազգի նվիրյալների տոնը

Հայոց բանակի ծննդյան 28-ամյակն է, ազգի նվիրյալների տոնը:

Այս օրը հիշենք նրանց, ովքեր հիմք դրեցին զինված ուժերին, հարգանքի տուրք մատուցենք հանուն հայրենիքի զոհվածների հիշատակին, մեր երախտագիտությունը հայտնենք հայոց բանակում իրենց մարտական ավանդն ունեցող ազգի զավակներին, նրանց, ովքեր այսօր էլ շարունակում են ծառայել ազգային բանակում:
Շնորհավորանքս համայն հայությանը, սահմանամերձ բնակավայրերում ապրողներիս, ովքեր թև ու թիկունքն են հայոց բանակի:
Սահմանին կանգնած հայ զինվորի ու սպայի մարտական ոգին է հայոց բանակը, հանուն հայրենյաց նահատակվածների հիշատակը, ապրիլյան պատերազմով անցած մեր քաջորդիների հերոսական ուղին, մեր անվտանգության պահպանման և խաղաղության հարատևության երաշխավորը, որն իր ներսում ապրելու, արարելու հզոր կամք ունի ամբարած: Մեր խաղաղ ու անվտանգ օրերի երաշխավորն է հայոց բանակը, մեր երկրի երջանիկ ու պայծառ ապագան: Հայոց բանակը մեր գոյությունն է, մեր ապրած ամեն մի օրը` հայ զինվորի կորստյան դառնագին բոթով ամրագրված: Հայոց մայրերի կարոտի կանչն է այն, խաղաղ օրերի մեր երազանքը, հայոց բանակը մեր լինելությունն է` այս տոնական օրով հավերժացված:
Հայոց բանակը Արցախի սահմանամերձ բնակավայրիս խաղաղ գիշերն է, նրա ամեն մի լուսաբացը, հայոց բանակը մեր հիշողությունն է` գալիք խաղաղ օրերի երազանքներով փառավորված:
Նատաշա Պողոսյան
Source: USAArmenia

Մասին USArmeniaNews.com

Կարդացեք նաև

Որքան եմ երազում մեր խաղաղ օրերը, իսկ մարդասիրության ազնվագույն որակները միշտ կողքիս են

Հոկտեմբերի 8_ն է։ Այդ անօրենները, մարտական գործողություններում ձախողվելով, թիրախավորում են խաղաղ բնակավայրերն ու այնտեղ պատսպարված …