Սկիզբ / Հասարակություն / Անթրաշ պողոսների ժամանակը. Ներսես Պողոսյանը դարձել է բռնապետ Ավանի թաղապետարանում

Անթրաշ պողոսների ժամանակը. Ներսես Պողոսյանը դարձել է բռնապետ Ավանի թաղապետարանում

«Նոր» Հայաստանի ամենախոցելի կողմերից մեկն էլ, եթե ոչ ամենագլխավորը, Նիկոլ Փաշինյանի կադրային ռեզերվի խնդիրն է եղել ու է:

Հեղափոխության շնորհիվ շատ դեպքերոմ պաշտոններ ստացան այնպիսի անարժաններ, ածելին ատող կասկածելի դեմքեր, որ նախկինում ոչ ոք չէր էլ կարող պատկերացնել նույնիսկ իր ամենասարսափելի երազում:
Ժամանակին, Ժիրայր Սեֆիլյանի համակիրներից մեկը՝ Ներսես Պողոսյանը, ում տարիներ առաջ կալանավորել էին (նրան մեղադրանք էր առաջադրվել ՀՀ քրեական օրենսգրքի 235 հոդվածի 2-րդ մասով՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որոնք կատարվել են մի խումբ անձանց կողմից նախնական համաձայնությամբ), և ով սեփական կնոջ հետ միասին շարունակաբար պնդում էր, որ իր կալանավորումն ու ձերբակալումն ապօրինի էր, իսկ իշխանափոխությունից անմիջապես հետո, «Նոր» Հայաստանում արժանացել է «գահի»՝ նշանակվելով Ավան վարչական շրջանի ղեկավարի տեղակալ:
Ավելին՝ պարզվում է նաև, որ ժամանակին հալածված (այդպես էր ինքն իրեն մատուցում) ու բազում զրկանքներ կրած «պողոսյաններսեսը» այսօր արդեն ինքն է հալածում քաղաքացիներին:
Ավանի Սայաթ Նովա թաղամասի բակերից մեկում կառուցված խանութը, որը սեփական միջոցներով կառուցել է արտերկրից հայրենիք վերադարձած հայ ընտանիքը, հայտնվել է թաղապետի տեղակալ աշխատող Պողոսյանի թիրախում: Ցանկանում են քանդել, հողին հավասարեցնել մարդկանց ողջ ինչքը, քանի որ կառույցը ճանաչվել էր ապօրինի, և որոշել էին ազատել համայնքային սեփականության հողը Հայկազ Գույումջյանին պատկանող անցանկալի կառույցից:
Ընդ որում՝ հետաքրքիր է, որ նմանատիպ կառույցներ կան նաև ապօրինի ճանաչված շինության անմիջապես կողքին, սակայն չգիտես ինչու ապօրինի է ճանաչվել հենց այս մեկը: Թե ինչ սկզբունքով՝ ոչ ոք չի կարողանում բացատրել: Ընդ որում՝ գործը գտնվում է դատարանում, ու քանի դեռ որոշում չկա, ոչ ոք իրավունք չունի այն ձեռնահարել: Ոչ ոք, բայց ոչ պատահաբար թաղապետի տեղակալ դարձած Պողոսյանն, ով փետրվարի 4-ին դեղին բուլդոզերի հետ միասին փորձել էր ապօրինաբար քանդել շինությունն այն դեպքում, երբ դատարանում գործը քննվելու է միայն ապրիլի 15-ին: Բարեբախտաբար, նրան այդ անել չհաջողվեց:
Երբ, մի քանի ճամբար փոխած Ավան վարչական շրջանի ղեկավարի տեղակալ նորաթուխ Ներսես Պողոսյանը ժամանակին ձերբակալված էր ու չէր հաշտվում իր այդ կարգավիճակի հետ՝ հացադուլ անելով ու արդարություն պահանջելով, շատերն, այդ թվում և մեր լրատվամիջոցը շարունակաբար հորդորում էին հացադուլավորին հրաժարվել առողջության համար վտանգավոր այդ քայլից ու չընտրել սեփական խնդրի բարձաձայնման համար ծայրահեղ միջոց հանդիսացող բողոքի այդ ձևը:
Հիմա պարզվում է, սակայն, որ Պողսյանն երբեք անկեղծ չի եղել իր ձգտումներում կամ նկրտումներում՝ դառնալով ծառա միանգամից մի քանի տերերի համար. իզուր էլ հորդորում ու կոչեր էին հղում: Այսօր արդեն իրեն «զոմբի» ասողներին գրողի ծոցն ուղարկողն այնքան խորամանկ է եղել, այնքան «ճարպիկ», որ կարողացել է կալանավայրից գրեթե միանգամից հայտնվել Ավան վարչական շրջանի ղեկավարի տեղակալի տաքուկ կաբինետում՝ մինչ այդ կնոջ հետ միասին անցնելով «Քաղաքացիական պայմանագրի» շարքերը:
Իրավիճակի ողջ մարազմայնությունը կայանում է նրանում, որ այսօր արդեն իբր բարձրաշխարհիկ հասարակություն ներխուժած Պողոսյանն, ով, ըստ էության, պողոսի յուրատեսակ հավաքական կերպար է, մոռանալով սեփական անփառունակ անցյալը, դարձել է բռնապետ Ավանի թաղապետարանում:
Իրեն տարբեր հարցերով դիմող ժողովրդին նա ոչ միայն չի օգնում, այլև շատ դեպքերում կոպտում ու հետ է ճանապարհում, նույնիսկ անօրիանական ձևով թաղապետարանում երկար տարիներ աշխատած մարդկանց ազատում է աշխատանքից, փոխարենը՝ թաղապետարան բերում իր մտերիմներին: Այսքանով չբավարարվելով, ֆեյսբուքյան էջն էլ բանեցնում է մարդկանց հասցեին վիրավորանքներ գրելու ու նրանց վարկաբեկելու համար:
Փաստորեն՝ հայ ժողովուրդը հեղափոխություն արեց, որ որոշ նախկին բանտարկյալների մազոտ հետույքներ հայտնվեն «պալատական բազկաթոռների» փափուկ նստատեղերին: Բայց դա ներելի կլիներ,եթե նույն այդ մազոտ հետույքների տերերը, մարդ գտնվեին ու հիշեին, թե ում են պարտական իրենց ձեռքբերումների համար: Այնինչ լրիվ մոռացել են, ուրացել:
Այսօր այլոց մայր հայհոյող Ավան վարչական շրջանի ղեկավարի վայ տեղակալը թո՛ղ նկատի ունենա, որ կյանքն աստիճան է: Եթե, այսօր, անպատիժ կերպով մարդկանց մայր է հայհոյում՝ թաքնվելով պետական կաբինետում, ապա վաղն,երբ աթոռն է՛լ չի լինի, արդեն իրեն են անպատիժ կերպով մայր հայհոյելու…
Ինչ-որ բան մեզ հուշում է, որ միան նա չէ, որ արժանանալու է նման դառը ճակատագրի…



Source: USAArmenia

Մասին USArmeniaNews.com

Կարդացեք նաև

Հարգելի՛ իրավապահներ, վարչապետը հրաման չի՞ տվել ձերբակալելու վիզ կտրող Հայկազին (Տեսանյութ)

Երբ, Հայաստանում ողջ հասարակության ու նույնիսկ հայության ջանքերով հեղափոխություն էր տեղի ունենում, բոլորն ակնկալում էին, …