Շաբաթ , 15 Օգոստոսի 2020
Սկիզբ / Հասարակություն / Հարց՝ Սասուն Միքայելյանին

Հարց՝ Սասուն Միքայելյանին

Մինչև հարցիս անդրադառնալը, ցանկանում եմ տեղեկացնել, որ քիչ արաջ Աժ ամբիոնից հայտարարությամբ հանդես եկավ Սասուն Միքայլելյանը, ում ելույթից բազմաթիվ հարցեր առաջացան ինձ մոտ, որոնք էլ իրենց հերթին միացան իրար՝ ստեղծելով մեկ հարց տալու համախումբը։

Պարոն Միքայելյանը ցանկացավ մի քիչ խորքից գալ․․ամեն մի նախադասություն արտաբերելուց ինձ մոտ առաջացան հետևյալ հարցերը․

1. Պարոն Միքայելյա՛ն, նշելով, որ Ձեր ծնողները Եղեռնի սերունդ են՝ ասացիք, որ անձամբ ձեր մորից եք լսել թուրքի կատարած ոճիրներն ու գազանությունները։ Ցանկանում եմ Ձեզ հիշեցնել, որ Հայոց Ցեղասպանության օրը, վարչապետ Փաշինյանը անգլերենով նշել էր , որ ՏՈՆՈՒՄ է այդ օրը։ Եթե սա համարենք խայտառակ վիրպակ, ապա Եղեռնի օրը նախկիններին մեղադրելը միջոցառումների փողերը թալանելու մեջ՝ վրիպակ համարել չենք կարող։ Հերթական քամին էր, որը հերթական անգամ ջուր լցրեց Թուրքիայի լոբբիստական շարքերի ջրաղացին։ Ցանկանում եմ հիշեցնել, որ այս հայտարարությանը չհաջորդեց քրեական գործ, հետևաբար ստացվեց այնպես, որ Փաշինյանը համայն հայության գենոցիդի օրը օգտագործեց՝ սեփական զոմբիներին զբաղացնելու ու գրգռելու համար։

2. Դուք նշեցիք, որ անձամբ ձեր մորից եք լսել՝ ինչ ասել է թուրք ազգ։ Հաշվի առնելով ձեր մեծ ներդրումը Արցախյան գոյամարտի տարներին՝ կարող եմ հաստատապես ասել, որ դուք այդ թուրք ազգ բառը արտաբերեցիք զզվանքով։ Ուզում եմ հիշեցնել, որ այդ ազգի առաջնորդին Փաշինյանը համարում է կիրթ ու գրագետ, յուր ժողովրդի համար ընդունելի տարբերակներ է փնտրում՝ ադրբեջանական դիրքորոշումը համարելով կառուցողական։ Լավրովի հայտարարության մասին էլ, հուսով եմ՝ լսել եք։

3․ Խոսեցիք Խոջալուի ազատագրումից, նշեցիք լեգենդար այն ջոկատների անունները, որոնք Ձեզ հետ մասնակցել են ազատագրմանը։ Ասացիք, որ կռվի դաշտում եղել եք անողոք թուրքի նկատմամբ։ Նշեցիք, որ բազմաթիվ տղերք հողին հանձնվեցին Հայրենիքի ազատագրության համար։ Ուզում եմ Ձեզ հիշեցնել, որ վարչապետի տիկինը հայտարարեց, որ այդ մարդիկ զոհվել են ՀԱՆՈՒՆ ՈՉՆՉԻ։

4. Ելույթում նշեցիք, որ վիրավորել են Ձեր ծնողին, միևնույն ժամանակ ասելով, որ Մարուքյանի ծնողը նույնպես Ձեր համար սուրբ է։ Ուզում եմ հիշեցնել, որ շուրջ երկու տարի է պետական մակարդակով ղեկավարվող ֆեյքերը հայհոյում են ընդդիմախոսներին, նրանց ընտանիքներին նրանց ծնողներին։ Նրանք հայհոյում են Ձեր մարտական ընկերներին, նրանց ընտանիքներին, նրանց պատվին, նրանց անցած ուղուն։

5. Ասացիք, որ պետք է ներողություն խնդրեն Ձեզնից։ Ուզում եմ հասկանալ, երբ Փաշինյանը <<հներին>> անվանեց շնաբարո դուրսպրծուկներ, այդ ժամանակ հորդորել եք Փաշինյանին ներողություն խնդրել։

6,Եվ վերջում առաջարկեցիք վայր դնել մանդատները երկուսով՝ Դուք ու Էդմոն Մարուքյանը։ Ցանկանում եմ տեղեկանալ, երբևէ դատարապրտել եք այն իմքայլականին, ով վիրավորել է, խեղել է, պղծել է այն ամեն հայկականն ու արժեհամակարգայինը, որը մեզ հայ է պահել։ Ինչ եք ասել այն պատգամավորին, ով ասաց՝ ԱՅՅԲԵՆԱՐԱՆԸ ՊԵՏՔ Է ՆԵՏՎԻ ԱՂԲԱՐԿՂԸ, ինչ եք ասել մյուսին, ով ԽՈՆԱՐՀՎՈՒՄ Է ԹՈՒՐՔ ԺՈՂՈՎՐԴԻ ԱՌՋԵՎ, ինչ եք ասել սորոսականներին, գրանտակերներին, ովքեր օձի նման փաթաթվել են իմ և Ձեր սիրելի երկրի զարկերակներին։

Հաշվի առնելով Ձեր անցած ուղին, չեմ ցանկանում հավատալ, որ դուք կիսում եք այն ամենը, ինչն այսօր շրջապատել է մեր իրականությանը։ Այն ժանտ ու կեղտին, որը կլանում է մեր իրականությունը։ Չեմ ուզում հավատալ, քանի որ չեմ ցանկանում Ձեզ հանել ինձ համար ճանաչելի այն հերոսների շարքերից, որոնք կերտել են այսօրվա ազատ և անկախ Հայաստանը։

Եվ վերջապես հարցնում եմ Ձեզ՝ Ինչ գործ ունեք դուք իմքայլականների շարքերում, եթե մերժում եք այն ամենը, ինչը համարվում է իմքայլականների գաղափարախոսական արժեհամակարգի հենքը։

Արմեն Ասատրյան

Source: USAArmenia

Մասին USArmeniaNews.com

Կարդացեք նաև

Ո՞ՐՆ Է ՄԱՐԴԿԱՆՑ ԼՈւՍԱՆԿԱՐՆԵՐԸ ՀՐԱՊԱՐԱԿԵԼՈւ ԹԱՔՆՎԱԾ ՆՊԱՏԱԿԸ. Վահե Աղաջանյան

Հայաստանի Հանրապետության վարչապետ Նիկոլ Փաշինյանը մի քանի օր է, ինչ Facebook-ի իր պաշտոնական էջում հրապարակում …