ՍԴ-ի մասին սերիայի երկրորդ սեզոնը խիստ հետաքրքիր է լինելու

Մոտ ապագայում ՍԴ երեք նոր դատավորների ընտրությամբ ներկայացվելու է թավշյա իշխանությունների բեմադրած ու ամիսներ շարունակ ուշադրության կիզակետում հայտնված սերիայի վերջին էպիզոդը:
Սակայն ինչպես արդեն պարզ է դառնում պատմությունը դրանով չի ավարտվելու և սերիան ունենալու է առնվազն մեկ այլ սեզոն:
Երեկ տեղեկություն տարածվեց այն մասին, որ ՍԴ չորս դատավորներ իրենց իրավունքները վերականգնելու են ՄԻԵԴ-ում, որի կապակցությամբ գանգատն արդեն ներկայացվել է:
Սերիայի երկրորդ սեզոնում իրադարձությունների զարգացման մասին կարելի է որոշ գուշակություններ կատարել:
Սեզոնի թեման անկասկած լինելու է թավշյա իշխանությունների եփած «աջաբսանդալի» կարգավորումը, իհարկե ինչպես միշտ օրենքի ու սահմանադրության շրջանցմամբ:
Այս պահին կարելի է պատկերացնել նոր սեզոնի սցենարում իրադարձությունների զարգացման մի քանի տարբերակ:
Ա. ՄԻԵԴ-ը քննում է ՍԴ դատավորների գանգատը: Ենթադրենք որ ՄԻԵԴ-ը բավարարում է ներկայացված գանգատը և վճիռ է կայացնում հիշյալ դատավորների լիազորությունների վերականգնման օգտին: ՄԻԵԴ-ի որոշումը գործադրելու համար պիտի դադարեցվեն նորընտիր դատավորների լիազորությունները: Բայց դա օրենքով անթույլատրելի է, քանի որ խախտելու է դատավորների անձեռնմխելիությունը: Նորընտիր դատավորների լիազորությունների դադարեցումը պիտի լինի կամավոր: Իսկ եթե նրանք նման կամք չդրսևորե՞ն:
Բ. ՄԻԵԴ-ը մերժում է դատավորների բողոքը և որևէ խնդիր չի տեսնում ԱԺ-ի ընդունած օրենքում, սակայն նկատում է, որ օրենքը տրամաբանորեն չի կարող տարածվել դատավոր Ալվինա Գյուլումյանի պարագային և վճիռ է կայացնում նրա լիազորությունների վերականգնման օգտին: Նորընտիր դատավորներից մեկը պիտի հրաժեշտ տա իր աթոռին: Բայց ո՞վ։ Չէ որ չկա հստակ ձևաչափ որոշելու, թե նորընտիր դատավորներից ո՞րն է զբաղեցրել մասնավորապես դատավոր Ալվինա Գյուլումյանի աթոռը: Ինչպես նախորդ տարբերակում այս դեպքում էլ դատավորներից մեկը պիտի կամավոր կերպով հրաժարվի իր աթոռից: Իսկ եթե դատավորներից որևէ մեկը պատրաստ չլինի դա կատարե՞լ:
Իհարկե հնարավոր է նաև երրորդ մի տարբերակ: ՄԻԵԴ-ն ամբողջությամբ մերժում է ՍԴ չորս դատավորների գանգատը: Այդ դեպքում սերիայի երկրորդ սեզոնը շատ արագ հասնելու է ավարտին և ընդունենք, որ հակառակ նախորդ սեզոնին լինելու է խիստ ձանձրալի ու միևնույն ժամանակ հիասթափեցնող:

Source: USAArmenia

Մասին USArmeniaNews.com

Կարդացեք նաև

Միրզոյանի մասին Մինասյանի բացահայտումներն է՛լ ավելի են ոգևորել իշխանություններին ու նրանց «թասիբի» գցել

Իշխանությունների հետպատերազմյան վարքագիծը հուշում է, որ հույսը, թե Արցախի փաստացի կորստից հետո Հայաստանում կարող է …