Շաբաթ , 19 Սեպտեմբերի 2020
Սկիզբ / Պաշտոնական լրահոս / Սփյուռքահայ մասնագետները սկսեցին աշխատել ՀՀ կառավարությունում

Սփյուռքահայ մասնագետները սկսեցին աշխատել ՀՀ կառավարությունում

Սեպտեմբերի 1-ին մեկնարկեց Սփյուռքի գործերի գլխավոր հանձնակատարի գրասենյակի սփյուռքահայ մասնագետների «Ի Գործ» ծրագիրը: Առաջին փուլով 24 մասնագետներն արդեն Հայաստանում են, տեղեկացնում են գլխավոր հանձնակատարի գրասենյակից:

Մասնագետներ են ժամանել Կանադայից, Դանիայից, Ռուսաստանից, Լիբանանից, Ֆրանսիայից, Նորվեգիայից մինչև Իսրայել, Նիդեռլանդներ ու Չինաստան. նրանց անգամ համաճարակը չի խանգարել հասնել հայրենիք և միանալ ՀՀ կառավարության աշխատանքներին:
Առաջին փուլի մասնակիցներն աշխատանքի են անցել վարչապետի աշխատակազմում, Առողջապահության, Աշխատանքի և սոցիալական հարցերի, Շրջակա միջավայրի, Արդարադատության, Բարձր տեխնոլոգիական արդյունաբերության, Տարածքային կառավարման և ենթակառուցվածքների, Կրթության, գիտության, մշակույթի և սպորտի Էկոնոմիկայի նախարարություններում, Կենտրոնական բանկում, Կրթության տեսչական մարմնում, Մարդու իրավունքների պաշտպանի, Սփյուռքի գործերի գլխավոր հանձնակատարի գրասենյակներում:
Ծրագրի առաջին փուլի մասնակիցներին ընդունեց և բարի գալուստ մաղթեց Գլխավոր հանձնակատար Զարեհ Սինանյանը: Հանձնակատարը հույս հայտնեց, որ նրանք հայրենիքում կունենան անփոխարինելի աշխատանքային փորձառություն:
Իրենց հերթին մասնակիցներից շատերը նշեցին, որ այս ծրագիրը հայրենադարձվելու ճանապարհի իրենց մեկնարկն է, և սեփական ապագան տեսնում են Հայաստանում:
Այնուհետև «Ի Գործ»-ցիներին ներկայացվեց աշխատանքի ժամանակացույցը և պարտականությունները:
«Դեպի Հայք» հիմնադրամի տնօրեն Սևան Գապագեանը և RepatArmenia հիմնադրամի համահիմնադիր Վարդան Մարաշլյանը մասնակիցներին մանրամասնեցին հայաստանյան պետական մարմիններում աշխատելաոճի առանձնահատկությունները և միջավայրին արագ ինտեգրման համար գործնական խորհուրդներ տվեցին:
COVID-19-ով և օդային սահմանափակ հաղորդակցությամբ պայմանավորված՝ ծրագրի մյուս մասնակիցները Հայաստան կժամանեն մի փոքր ավելի ուշ:
Source: USAArmenia

Մասին USArmeniaNews.com

Կարդացեք նաև

Նիկոլ Փաշինյանը 10 հոգու ազատեց պաշտոնից

ՀՀ վարչապետ Նիկոլ Փաշինյանը մի շարք պաշտոնանկությունների մասին որոշումներ է ստորագրել:Մասնավորապես աշխատանքից ազատվել են հետեւյալ …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով