Կիրակի , 29 Նոյեմբերի 2020

Պատգամավորը լրագրողին հաթաթա է տալիս. «Հրապարակ»

«Հրապարակ».Այսօր Ազգային ժողովում միջադեպ է տեղի ունեցել TV5 հեռուստաընկերության լրագրողի և ԱԺ «Իմ քայլը» խմբակցության պատգամավորներ Արթուր Հովհաննիսյանի և Քրիստինե Պողոսյանի միջև։ Պատգամավորները խոչընդոտել են լրագրող Կարինե Մանգասարյանի մասնագիտական գործունեությունը՝ հարվածելով նրա միկրոֆոնին և սպառնալիքներ հնչեցրել լրագրողի հասցեին։

Այս մասին տեղեկացնում է TV5-ի տնօրեն Հարություն Հարությունյանը՝ ֆեյսբուքյան իր էջում կատարելով համապատասխան գրառում և հայտարարելով, որ միջադեպի առթիվ պատրաստվում են դիմել ՀՀ գլխավոր դատախազություն։
Hraparak.am-ի հետ զրույցում Հարությունյանը մանրամասնեց՝ ինչպես է տեղի ունեցել միջադեպը․ «Մեր լրագրողը մոտեցել է այդ պատգամավորներին, որ հարց տա, սակայն նրանք կոպիտ ձևով են արձագանքել, Քրիստինե Պողոսյանը խփել է TV5-ի միկրոֆոնին։ Մեր լրագրողը հարցրել է պատգամավորներին, թե ինչու են նման գրառումներ անում, ինչին ի պատասխան՝ Արթուր Հովհաննիսյանն ասել է՝ «լավ ենք անում, գնա քո գործընկեր լրագրողներին հարցրու՝ ինչ բան է էթիկան, դու մեզ էթիկա մի սովորեցրու»։
Այնուհետև, ըստ հեռուստաընկերության տնօրենի, իրենց լրագրողը նորից է նույն հարցը ուղղել պատգամավորին, այդ ժամանակ արդեն Քրիստինե Պողոսյանն է միջամտել՝ սպառնալիքներ հնչեցնելով։ «Քրիստինեն ասել է՝ թող էս ամեն ինչը վերջանա, հատ-հատ բոլորդ պատասխան եք տալու։ Հետո նորից խփել է միկրոֆոնին ու ասել է՝ թող էս ամեն ինչը պրծնի, ձեր հետ ուրիշ ձև ենք վարվելու։ Այսինքն՝ կոնկրետ սպառնալիք է հնչեցրել»,-ասաց պարոն Հարությունյանը։
Նշենք, որ պատգամավոր Արթուր Հովհաննիսյանն այսօր իր ֆեյսբուքյան էջում տեղադրել էր TV5-ի ռեորտաժներից մեկի պատճենն ու լրատվամիջոցին նույնացրել ադրբեջանական քարոզչամիջոցի հետ։ TV5-ի լրագրողն էլ այսօր ԱԺ-ում Արթուր հովհաննիսյանին մոտեցել էր հենց դրա վերաբերյալ հարց տալու, թե ինչու է նման վիրավորական գրառում կատարել, հատկապե,ս երբ TV5-ի պատրաստած ռեպորտաժը քարոզչական տեսնակյունից միանգամայն օգտակար է հայկական կողմի համար։ Բայց իմքայալականները կարծես թե սկսել են այլս թացը չորից չտարբերել, երկրի իրական շահը ճիշտ չգնահատել։
Source: USAArmenia

Մասին USArmeniaNews.com

Կարդացեք նաև

Վանեցյանի հիմնադրամից հեռացել է մամուլի խոսնակ Քրիստինե Մելքոնյանը

ԱԱԾ նախկին տնօրեն Արթուր Վանեցյանի հիմնադրած «Հայրենիք» հիմնադրամից հեռացել է մամուլի խոսնակ Քրիստինե Մելքոյանը։ Այս …