Կիրակի , 23 Հունվարի 2022

Միքայել Մինասյան. Մակունցին կնշանակեն ԱՄՆ-ում ՀՀ դեսպան


Մակունցին կուղարկեն Պետդեպի թխվածքաբլիթների հետեւից, ինչի մասին այդքան երազում էին թավշյա հեղափոխականները: Նրանց թվում է, թե Հայաստանին կփրկի դիլետանտ Մակունցը: Այս մասին Թելեգրամի իր ալիքում գրել է Վատիկանում ՀՀ նախկին դեսպան Միքայել Մինասյանը:
««Հայաստանը ես եմ»՝ շուտով կհայտարարի մադամ Մակունցը, ում հատուկ արժանիքների համար Նիկոլ Փաշինյանը որոշել է նշանակել ԱՄՆ-ում ՀՀ արտակարգ եւ լիազոր դեսպան:
Նույնիսկ եթե համարենք, որ Մակունցը վատ մարդ չէ, կասկածի ենթակա չէ այն, որ Մակունցը ոչ կոմպետենտ քաղաքական գործիչ է, ավելին՝ ապաշնորհ դիվանագետ: Եվ ընդհանրապես, նա դիվանագետ չէ: Նրա անգրագիտության վկայությունն են տարբեր մակարդակներում, այդ թվում՝ միջխորհրդարանական, արտաքին քաղաքական ձախողումները: Հենց Մակունցին Փաշինյանը նախ նշանակեց մշակույթի նախարար, ապա՝ իր խմբակցության ղեկավար: Մակունցը, ով հայտնի է որպես Փաշինյանի անգլերենի մանկավարժ, ունի մեկ առավելություն. Նիկոլը նրան անխոս հավատում է: Ահա թե ինչու նրան ԱՄՆ ուղարկելով՝ Փաշինյանը որոշել է մեկ հարվածով երկու նապաստակ սպանել՝ փրկել Մակունցին խորտակվող նավից եւ նրան օգտագործել երկու գերտերությունների միջեւ կեղտոտ խաղում:
Նիկոլի թիմը մնաց մինչեւ Բայդենի նշանակումը: Լիլիթ Մակունցին կուղարկեն Պետդեպի թխվածքաբլիթների հետեւից, ինչի մասին այդքան երազում էին թավշյա հեղափոխականները: Նրանց թվում է, թե Հայաստանին կփրկի դիլետանտ Մակունցը: Նրա ապագա նշանակումը հարված է հայ-ամերիկյան, հայ-ռուսական հարաբերությունների, Հայաստանի իմիջի համար:
2 օր առաջ սորոսական շրջանակները սկսեցին հակառուսական հռետորաբանությունը: Մակունցի նշանակման որոշումը կլինի այն աշխարհաքաղաքական քաոսի ինստիտուցիոնալիզացումը, որում Նիկոլը ներքաշել է Հայաստանին:
P. S. Ի դեպ, հիշեցնեմ՝ Նիկոլ Փաշինյանը երդվել է վերանայել դեսպանների պաշտոնում անձանց նշանակման պրակտիկան, որոնք կադրային դիվանագետներ չեն համարվում»,-գրել է Մինասյանը:
Source: USAArmenia

Մասին USArmeniaNews.com

Կարդացեք նաև

«Հրապարակ».Թուրքը ոչնչացրեց Արցախը՝ ոչինչ, թուրքը մտել է Հայաստան՝ ոչինչ, ՀՀ-ն մնացել է առանց դաշնակիցների՝ ոչինչ, խորանում է շրջափակումը՝ ոչինչ…

«Հրապարակ». Նիկոլի ամենաոխերիմ հակառակորդը «նախկիններն» են: Ժողովրդից, որպես իշխանություն ձևավորող զանգվածից Նիկոլը չի վախենում, որովհետև …