Ապշեցուցիչ տեղեկություններ են հայտնի դարձել. Նիկոլ Փաշինյանի հրամանով զինվորներին հրահանգ է իջեցվել ադրբեջանցիներին դիմադրել միայն բահերով և քարերով, նաև՝ ձեռնամարտի բռնվելով


Դեժավյու տելեգրամյան ալիքը գրում է․ «Ապշեցուցիչ տեղեկություններ է մեզ փոխանցել մեր աղբյուրը։ Պարզվում է, որ Նիկոլ Փաշինյանի հրամանով հրահանգ է իջեցվել, Գեղարքունիք և Սյունիք ներխուժած ադրբեջանցիներին դիմադրել միայն բահերով և քարերով, նաև՝ ձեռնամարտի բռնվելով: Նաև պարզվում է, որ մայիսի 25-ին Գեղարքունիքի մարզի Վերին Շորժա գյուղի սահմանին 32 ամյա կրտսեր սերժանտ Խուրշուդյանը հենց նման հանգամանքներում է զոհվել:
Այդ օրը, զինվորներին ուղարկել են հետ վերցնելու կորցրած դիրքերը, բայց չեն տրամադրել զենք: Նրանց հարցին, թե ինչպես է դա հնարավոր, մատնացույց են արել բահերը, ավելին՝ բացատրել են, որ աղմուկաղաղակը, թշնամու մոտ վախի ու խուճապի տպավորություն կստեղծի, կստիպի թշնամուն լքել գրաված դիրքերը:
Զավեշտն այսքանով չի ավարտվում, պարզվում է՝ օրերս Զինված ուժերի գլխավոր շտաբի պետի առաջին տեղակալ, Արշակ Կարապետյանն օրերս Գլխավոր Շտաբ է հրավիրել 20 ուժային սպորտաձևերի ֆեդերացիաների ղեկավարների և «սենսացիոն» առաջարկությամբ հանդես եկել՝ լավագույն տվյալներ ունեցող մարզիկներից կազմել խմբեր և ուղարկել սահմանային հատվածներ՝ ձեռնամարտով դիմագրավելու թշնամու ներխուժմանը, քանի որ Նիկոլ Փաշինյանի հրահանգով արգելված է որևէ պարագայում զենքի կիրառումը:
Երբ ֆեդերացիաների նախագահներն ապշահար նայել են Կարապետյանին, վերջինս «հանգստացրել է», թե հայրենիքին մատուցած ծառայություններն անվճար չեն՝ օրը 5 հազար դրամ գումար կտրամադրեն: Այս հայտարարությունից հետո ներկաներն ավելի են այլայլվել և երբ հետաքրքրվել են, թե ինչ երաշխիք, որ թշնամին չի կրակի, Կարապետյանը հայտարարել է, թե այ այդ մի բանը չեն կարող ապահովել:
Ինչպես ասում են՝ մեկնաբանություններն ավելորդ են: Ապրիլյան քառօրյա պատերազմի ժամանակ բահերով կռվող զինվորների մասին լեգենդը հորինած ընդդիմությունը, ով այսօր իշխանության է, բառիս ուղիղ իմաստով անում է այն, ինչում մեղադրում էր նախորդ իշխանություններին»։


Source: USAArmenia

Մասին USArmeniaNews.com

Կարդացեք նաև

Հաղթանակի ճանապարհին. Հայաստանի զարգացման նոր էջը

Նիկոլ Փաշինյանի որոշումը՝ գնալու արտահերթ ընտրությունների, ինչպես հայտնի է, պայմանավորված էր ոչ թե նրա անձնական …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով