Չորեքշաբթի , 1 Դեկտեմբերի 2021

ՀԱՂՈՐԴՈՒՄ ՀԱՆՑԱԳՈՐԾՈՒԹՅԱՆ ՄԱՍԻՆ. «Հրապարակ»

«Երկիր Ծիրանի» կուսակցության նախագահ Զարուհի Փոստանջյանը հանցագործության մասին հաղորդում է ուղարկել  ոստիկանության պետին, դատախազին եւ ՀՔԾ պետին: Այս մասին տեղեկացնում է  «Երկիր Ծիրանի» կուսակցության լրատվական ծառայությունը։

«2021 թվականի սեպտեմբերի 21-ին առավոտյան ժամը 8-ին դուրս եմ եկել իմ բնակարանից եւ ուղեւորվել դեպի Եռաբլուր զինվորական պանթեոն: Մուտքից դուրս գալիս պարզեցի, որ մի տղամարդ ինձ հետեւում էր, այդ անձին լուսանկարեցի ու անմիջապես գրառում կատարեցի իմ ֆեյսբուքյան էջում, որին կից տեղադրեցի նաեւ այդ անձի լուսանկարները:
Եռաբլուր զինվորական պանթեոն տանող ճանապարհի կամարի մոտ ինձ սպասարկող տաքսի ավտոմեքենան կանգնեցրեցին ոստիկանները եւ ասացին, որ այս ավտոմեքենան իրավունք չունի բարձրանալ դեպի Եռաբլուր, քանի որ այն սպասարկում է ինձ, իսկ ինձ չի թույլատրվում գնալ Եռաբլուր:
Ոստիկաններից իմ իրավունքները խոչընդոտող անձը ինձ հայտնեց, որ ես իրավունք չունեմ այց կատարել Եռաբլուր, քանի որ այնտեղ ինչ-որ հանրային միջոցառում է եւ ես պատրաստվում եմ խոչընդոտել այդ միջոցառմանը:
Հետեւաբար պետք է չգնամ, իսկ իմ պնդմանը, որ ես իրավունք ունեմ անցկացնել խաղաղ բողոք եւ դիրքորոշում հայտնել նա պատասխանեց, որ ինքը որպես ոստիկանության գնդապետ պահանջում է ինձ հեռանալ, եթե ոչ՝ բերման կենթարկեն, այդ հարց ու պատասխանը իմ կողմից տեսաձայնագրվել է եւ հրապարակվել ուղիղ եթերով:
Ոստիկաններից իմ իրավունքները խոչընդոտող անձը այնուհետեւ հրահանգ է տվել ինձ բռնի ուժով առեւանգել: Այդ ապօրինի հրամանը կատարվել է թվով չորս ոստիկանների կողմից: Վերջիններս բիրտ ուժի գործադրմամբ ինձ մտցրել են ոստիկանական ավտոմեքենա եւ ոլորել են ձեռքերս, ավտոմեքենայի մեջ ինձ պատճառել են ուժեղ ցավ, հայհոյել են, ձեռքիցս խլել են հեռախոսս եւ ինձ տեղափոխել են ՀՀ ոստիկանության Երեւան քաղաքի վարչության Նոր Նորքի բաժին` Ոստիկանական ավտոմեքենայի մեջ հատկապես ձախ թեւիս շրջանում ուժգին ցավ զգալու պատճառով ինքնազգացողությունս վատացել էր: ՀՀ ոստիկանության Երեւան քաղաքի վարչության Նոր Նորքի բաժնում բժշկական միջամտությունից` միջմկանային ցավազրկող ներարկելուց հետո, ցավը միառժամանակ մեղմվել էր եւ դադարել սրտխառնոցս: Ոստիկանության բաժնում արդեն ինձ պարզ էր, որ ոստիկանները ինձ պատճառել էին մարմնական վնասվածքներ:
Ոստիկանության բաժնում իմ խնդրանքը` տեղեկացնել հարազատներիս իմ գտնվելու վայրի վերաբերյալ, բավականին ուշ է թույլատրվել: Հարազատներս երկար ժամանակ չեն իմացել իմ գտնվելու վայրի մասին: Ես չեմ կարողացել նաեւ հրավիրել փաստաբան, այդ իրավունից օգտվելը նույնպես տեղի է ունեցել խախտումով: Փաստաբանս եկել է, ոչ թե իմ խնդրանքի հիման վրա, այլ այն ժամանակ երբ հարազատներս իմացել են, որտեղ եմ գտնվում՝ նրանք են կանչել:
Սույն հաղորդմամբ պահանջում եմ հարուցել քրեական գործ եւ պատասխանատվության կանչել իմ իրավունքները եւ ազատությունները սահմանափակող ոստիկաններին: Մասնավորապես ոստիկանների կողմից իմ հիմնարար իրավքվուննքերին խոչընդոտելուն`
• թույլ չտալ ազատ տեղաշարժվել,
• թույլ չտալ կանգնել Երռաբլուր տանող ճանապարհի մոտ,
• թույլ չտալ արտահայտվել` քաղաքական դիրքորոշում հայտնել գտնվելով այդ վայրում,
• անօրինական կարգով զրկվել անձնական ազատությունից եւ անձնական իր հանդիսացող հեռախոսից,
• ենթարկվել խոշտանգման եւ անմարդկային վերաբերմունքի, որի պատճառով ստացել եմ մարմնական վնասվածքներ,
• ժամեր շարունակ ապօրինի գտնվել անազատության մեջ՝ ոստիկանության բաժնում:
Հաղորդում ներկայացնող անձ` Զարուհի Համազասպի Փոստանջյան»։
Source: USAArmenia

Մասին USArmeniaNews.com

Կարդացեք նաև

Փաստացի Հայաստան այլևս գոյություն չունի,կարող եք ձեր անձնագրերը պարզապես դեն նետել.ArmDay

armday.am Հայաստանն ու Արցախը թուրքերին նվիրած անձը ԱՊՀ օնլայն գագաթնաժողովում հայատրարերց ամենասարսափելին ՝ Խաղաղության պայմանագրի …