Երեքշաբթի , 16 Օգոստոսի 2022

Իշխանությունների բուն ջանքերով, դրածո դատավորի և դատախազի ձեռքերով գեներալին հասցրին այդ վիճակին. Նազիկ Ամիրյան


Իշխանությունների բուն ջանքերով, դրածո դատավորի և դատախազի ձեռքերով գեներալին հասցրին այդ վիճակին. Նազիկ Ամիրյան
Արցախի հերոս, գեներալ-լեյտենանտ Մանվել Գրիգորյանի մահվան տարելիցի կապակցությամբ հարազատները, զինակից ընկերներն ու բազմաթիվ քաղաքացիներ այցելել են նրա շիրիմին:
«Առողջական վատ վիճակում գտնվելով՝ պատերազմն սկսվելուց անմիջապես հետո նա մեկնեց Արցախ։ Իշխանությունները բավականին մեծ դժվարությամբ թողեցին, բայց մեկնեց։ Ցավոք, այնտեղ հիվանդացավ, հոկտեմբերի 21-ին շատ ծանր վիճակով տեղափոխվեց Հայաստան», – լրագրողների հետ զրույցում ասաց Մանվել Գրիգորյանի կինը՝ Նազիկ Ամիրյանը։
Նա ափսոսանք հայտնեց, որ Մանվել Գրիգորյանը մինչև վերջ չկարողացավ փորձն ու ներուժն օգտագործել պատերազմում, իսկ նրա դեմ սկսված դատական արշավի ընթացքում առողջական վիճակի վատթարացման պատճառ համարեց պատշաճ բուժում ստանալու արգելքը։
«Իշխանությունների բուն ջանքերով և դրածո դատավորի և դատախազի ձեռքերով գեներալին հասցրին այդ վիճակին։ Ծայրահեղ ծանր վիճակում, երբ գտնվում էր արհեստական շնչառության տակ, դատավորը նույնիսկ դատական նիստ չարեց, որպեսզի թույլատրվեր արտերկիր տեղափոխել», – ասաց Նազիկ Ամիրյանը։
Մանվել Գրիգորյանի գործով արդարադատության ե՞րբ հնարավոր է հասնել հարցին Նազիկ Ամիրյանը պատասխանեց․ «Երևի, ոչ այս իշխանության օրոք»։
Source: USAArmenia

Մասին USArmeniaNews.com

Կարդացեք նաև

Պիպոն դիրքավորվելու է հասարակական-քաղաքական դաշտում, դառնալո՞ւ է մի նոր հեղափոխական, թե՞ տակից թելելու է իշխանությունների թելը

Հայաստանից ՔՊ-ական իշխանության օրոք փաստացի վտարված «Դոն Պիպոն», որի՝ քաղմաս բերման ենթարկման կադրերը շատերի հիշողությունում …