Կիրակի , 4 Դեկտեմբերի 2022

Ադամ Շիֆը՝ ադրբեջանական հարձակման մասին

Վերջին հարձակումներն ապացույցն են այն բանի, որ Ադրբեջանը շարունակելու է ահաբեկել Արցախի և Հայաստանի ժողովրդին, քանի դեռ չի հասել իր նպատակներին։ Կովկասում կայունություն հաստատելու միջազգային հանրության ջանքերի նկատմամբ Ալիևը արհամարհանքից բացի այլ բան չունի, և նրան պետք է կանգնեցնել: Այս մասին ֆեյսբուքյան իր էջում գրել է ԱՄՆ կոնգրեսական Ադամ Շիֆը:
Նա խոսել է Ալիևի պատերազմական ձգտումների մասին ու հայտարարել. «Քանի դեռ իրական հետևանքներ չեն եղել, Ալիևը կշարունակի ընդլայնել իր պատերազմը և ավելի շատ անմեղ կյանքեր կկորեն։ ԱՄՆ-ը պետք է վճռական և բովանդակալից գործողություններ ձեռնարկի Ադրբեջանի դեմ: Մենք պետք է ընդմիշտ դադարեցնենք ցանկացած օգնություն Ալիևի ռեժիմին, պահանջենք ազատ արձակել բոլոր քաղբանտարկյալներին, կիրառել պատժամիջոցներ և հետապնդել ռազմական հանցագործությունների և մարդկության դեմ հանցագործությունների համար։ Ես և իմ գործընկերները կշարունակենք հրատապ կարգով հետամուտ լինել Կոնգրեսում օրենսդրությանը այս նպատակներին հասնելու համար, և մենք չենք հանգստանալու այնքան ժամանակ, քանի դեռ Միացյալ Նահանգները քայլեր չի ձեռնարկել»:
Վերջում նա ցավ ու ափսոսանք է հայտնել այն հայերի ու իր ընտրողների համար, ովքեր հարազատներ են կորցրել ադրբեջանական հարձակումների հետևանքով։
Source: USAArmenia

Մասին USArmeniaNews.com

Կարդացեք նաև

Գոռ Աբրահամյանը նշանակվել է ՀՀ քննչական կոմիտեի նախագահի մամուլի քարտուղար

Հայաստանի Հանրապետության քննչական կոմիտեի նախագահ Արգիշտի Քյարամյանի հրամանով Գոռ Աբրահամյանը նշանակվել է ՀՀ քննչական կոմիտեի …