Կիրակի , 4 Դեկտեմբերի 2022

Սփյուռքում ի՞նչ է կորցրել Հայկոն, նրան միայն փող աշխատելու մոլո՞ւցքն է այնտեղ բերել, թե՞…

 


Սկզբում Միքայել Մինասյանի կադրը համարված, իսկ հետո հաջողությամբ ճամբարափոխ եղած Հայկ Մարությանը՝ Կարգին Հայկոն, «Քաղաքապետը» մոնո-ներկայացումը Երևանում, ըստ էության, տապալելուց հետո հիմա էլ բռնել է մոսկվայաբնակ հայերի պոչն ու ֆեյսբուքյան գրառմամբ տեղեկացրել, որ դեկտեմբերի 10-ին Մոսկվայի Կրեմլի պետական պալատի համերգասրահում հանդես կգա ներկայացմամբ: «Երևանում և Հայաստանի այլ քաղաքներում, ինչպես նաև Եվրոպայում և ԱՄՆ-ում կայանալիք ներկայացումների մասին տեղեկատվությունը կհրապարակվի ժամկետների վերջնական հաստատումից հետո»,-նշել է Հայկոն «Ֆեյսբուքում»:
Ականատես ենք դառնում նոր «համաշխարհային աստղի» ծննդին, փաստորեն, և եզրակացնում, որ բավական տևական ժամանակ քաղաքապետի աթոռի հաշվին իր ու սերունդների բարեկեցության հարցը հաջողությամբ լուծած Հայկոն հիմա էլ ձեռնամուխ է լինում սփյուռքահայերի փողերի կլանմանը իր՝ միջինից ցածր որակի ներկայացման միջոցով յուրատեսակ ինքնափիառ կազմակերպելով:

Հայաստանում Կարգի Հայկոյի դերասանական կարյերայի փաստացի տապալումը մեծապես կապված էր նրա քաղաքական ամբիցիաների հետ, իսկ «Քաղաքապետի» երևանյան ոդիսականը ցույց տվեց, որ ազգաբնակչության ահռելի մասի համար Հայկ Մարությանն այլևս որպես կոմիկ դերասան անընկալելի է դարձել. քաղաքապետ Հայկ Մարությանը սպանել է կոմիկ Կարգին Հայկոյին, իսկ վերադարձ նախկին իմիջին ուղղակի անհնար է:
Սփյուռքում ի՞նչ է կորցրել Հայկոն, նրան միայն փող աշխատելու մոլո՞ւցքն է այնտեղ բերել, թե՞ ուզում է յուրատեսակ փորձարկում անցկացնել՝ հասկանալու իր ընկալելիության աստիճանն ու հետագա շանսերը քաղաքականությունում:
Շատ է խոսվում այն մասին, որ ցանկացած դեպքում ներկայիս իշխանությունները կրելու են պատասխանատվություն՝ չխուսափելով գործած հանցանքների ու սխալների դառը պտուղն անձնապես քաղելու հեռանկարից: Այդ իմաստով Հայկոյի պարագան կարող է ցուցիչ դառնալ, թե որքանով են նմանօրինակ հավաստիացումները կտրված իրականությունից կամ համաատասխանում դրան: Ոչ միայն հայաստանյան հանրությունը, այլև Սփյուռքն է պարտավոր արտահայտել իր հիասթափությունն ու հասկացնել ներկա ու նախկին իշխանավորներին, որ արած-չարածի համար ոչ մի ռեաբիլիտացիա էլ չի լինելու, ու բոլոր դեպքերում «հեղափոխականները» ստիպված են լինելու հնձել այն մոլախոտը, որը 2018-ից ի վեր ցանում են Հայաստանում՝ խեղդելով հայրենիքը:
Եթե իսկապես կարգին Հայկոն իր գործի նվիրյալն էր, կոչումով դերասան, ապա պարտավոր էր հեռու մնալ քաղաքականությունից այնպես, ինչպես դա արեց ասենք նույն Մկոն, որը, իր ձեռքում պահելով սեփական արժանապատվությունը, շարունակում է ցայսօր մնալ միլիոնների կողմից սիրված այն նույն կատակերգուն, ինչ որ սեփական կարյերայի սկզբից:
Source: USAArmenia

Մասին USArmeniaNews.com

Կարդացեք նաև

Ուսուցչի չարժևորված դերը. դատարկ խոսքերի հետևանքը

Նիկոլ Փաշինյանը շնորհավորական ուղերձ է հղել Ուսուցչի օրվա առիթով՝ իր ուղերձում անելով այնպիսի շեշտադրումներ, որոնք …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով