Հայաստանում հայտնաբերված առանձնապես խոշոր ծավալների կոկաինի թեման շարունակում է եփվել, որի կենտրոնում, փաստորեն, հայտնվել է «Քեթրինի Միհրանը»՝ Սերժ Սարգսյանի մտերիմ գործարարը, որ այժմ գտնվում է հետախուզման մեջ:
Չնայած իշխանությունների փորձերին՝ կոկաինի գործը «կարելու» Միհրան Պողոսյանի վրա, այդպես էլ չի հաջողվել ՔՊ-ի ուսերին ծանրացած պատասխանատվությունը բարդել նրա վրա. Պողոսյանը փաստեր է ներկայացրել, որոնք ամբողջությամբ հիմնազուրկ են դարձնում իշխանությունների փորձերը՝ նախկիններին վերագրելու սեփական մեղքերը:
Օրերս Միհրան Պողոսյանը տեսանյութ էր հրապարակել, որում ուշագրավ մանրամասներ էր պատմել, թե ինչպես է զանգահարել ԱԱԾ պետին ու տեղեկացրել գտածոյի մասին:
Տվյալ դրվագում, սակայն, ամենաուշագրավն այն հարցն է, թե ինչպե՞ս կարող է հետախուզման մեջ գտնվող անձը զանգահարել ԱԱԾ պետին ու նրան տեղեկություն հայտնել, շփվել, հետո կախել հեռախոսն ու հանգիստ կյանքով ապրել:
Բանն այն է, որ իշխանությունները, փորձելով ամրապնդել իրենց սոցիալական հենարանը, ժողովրդին ամեն կերպ փորձում են համոզել, թե հետամուտ են թալանի վերադարձին ու թալանչիների պատժին:
Ենթադրվում է, որ այդ թալանչիներից մեկն էլ Միհրան Պողոսյանն է՝ հաշվի առնելով, որ նրան հայաստանյան իրավապահները ներկայումս հետախուզում են: Հարց՝ եթե այդ հետախուզումը չի կրում ձևական բնույթ, ապա ինչպե՞ս է Միհրան Պողոսյանը հանդգնել զանգահարել Աբազյանին՝ չվախենալով, որ կարող է բացահայտվել, թե՞ իրականում այս ամենը ձևական խաղ է՝
ժողովրդի աչքին թոզ փչելու համար:
Ակնհայտ է՝ թալանը հետ բերելու մասին թե՛ հեղափոխական, թե հետհեղափոխական շրջանում հնչեցրած իշխանական հավաստիացումները կեղծիք են եղել: Հայաստանում տեղի է ունեցել թավշյա հեղափոխություն, իսկ դա ենթադրում է հեղափոխողի ու հեղափոխվողի միջև փոխպայմանավորվածություն: Նախկինները լուրջ երաշխիքներ են ստացել Նիկոլ Փաշինյանից, որ եթե կամովին զիջեն իրենց աթոռը, ապա ենթադրյալ հանցանքների կամ թալանի համար պատասխանատվության չեն ենթրկվելու, իսկ մեկ-երկու գործը հաշիվ չէ:
Արդյոք իշխանություններն անկե՞ղծ են սեփական ժողովրդի հետ, թե՞ բոլորս տոտալ ստի ու կեղծիքի մեջ ենք ապրում:
Source: USAArmenia
Մինչ Նիկոլ Փաշինյանը տարբեր հարթակներում փորձում է իր քաղաքական ուժի կամ «նոր» Հայաստանի գովազդն անել՝…
Կիրանցում խայտառակ միջադեպ է գրանցվել: Մինչ տեղացիները փորձել են դեմարկացիա կամ դելիմիտացիա կոչված խեղկատակությանն ընդդիմանալ՝…
Ընդդիմադիր կուսակցությունները կարծես թե վերջնականապես կողմնորոշվել են «Տավուշը հանուն հայրենքի» շարժման նկատմամբ բռնած դիրքի հարցում:…
Հասկանալով, որ օբյեկտիվորեն հանրության շրջանում շատ մեծ է իշխանություններից ունեցած հիասթափությունը, իսկ «Տավուշը հանուն հայրենիքի»…
Աննախադեպ բան է տեղի ունեցել. Լեմկինի ցեղասպանության ինստիտուտը Նիկոլ Փաշինյանի ու նրա թիմակիցների մոտեցումները դատապարտող…
Արդեն մի քանի շաբաթ «Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանի վիճակը ծայրահեղ վատացել…