ՔՊ-ական շրջանակներից ուժայինների հասցեին հնչող քննադատությունների ֆոնին հայտնի է դարձել, որ 2023 թվականի հունիսի 2-ին Տավուշի մարզի դատախազի որոշմամբ` վերացվել է Ներքին գործերի նախարարության ոստիկանության Տավուշի մարզային վարչության Դիլիջանի բաժնի քրեական հետախուզության բաժանմունքի պետ Ա. Ղայթմազյանի նկատմամբ հանրային քրեական հետապնդում չհարուցելու վերաբերյալ միջնորդությունը բավարարելու մասին որոշումը. քրեական հետապնդում է հարուցվել:
Առաջին հարցը, որ ցանկացած մեկի մոտ կարող է ծագել՝ կապված այս՝ շատերի համար անակնկալ հանդիսացող տեղեկության հետ, այն է, թե ինչո՞վ կարող է պայմանավորված լինել քրեականի պետի հանդեպ վերաբերմունքի նմանօրինակ փոփոխությունը:
Թող ոչ ոք չկասկածի, որ եթե Ղայթմազյանի անվան շուրջ բարձրացած քաղաքական, այո՛, հենց քաղաքական բնույթի աղմուկը չլիներ, այս որոշումը երբեք չէր լինի:
Իշխանությունները հասկացան, որ եթե ականջի հետև գցեն հայտնի տեսանյութում պատկերված հանցագործությունը, ապա կարող են լուրջ գլխացավանքների մեջ ընկնել՝ չկարողանալով ազատվել քաղաքական ախոյանների ու հանրության՝ իրենց հասցեին հնչող մեղադրանքներից: Եթե անփոփոխ թողնեին իրենց որոշումն ու շարունակեին քրեականի պետին փայփայել, ապա չէին ունենա որևիցե հիմք՝ նույնիսկ քարոզելու, թե իրենք անաչառ են, օրենքի առջև բոլորը հավասար են, և վեջապես իրենք ավելի լավն են, քան նախկինները:
Հիմա, իհարկե, պրոպագանդան կփորձի քրեականի պետի հետ կատարվողը մատուցել որպես ՔՊ-ական իշխանության անաչառության բացառիկ վկայություն և այլն, բայց անքննարկելի է, որ ընդհանուր իրավիճակը երկրում չի փոխվելու, և Ոստիկանությունը հետայսու ևս շարունակելու է Հայաստանում մնալ որպես արտոնյալ կառույց, որ բյուջեից լավագույնս ֆինասնավորվելու դիմաց հավատարմորեն պահում ու պահպանում է Նիկոլ Փաշինյանի իշխանությունը:
Source: USAArmenia
Իրանի փոխնախագահ Մոխսեն Մանսուրին հաստատել է ուղղաթիռի վթարի հետևանքով նախագահ Էբրահիմ Ռայիսիի և նրա պատվիրակության…
Մինչ Նիկոլ Փաշինյանը տարբեր հարթակներում փորձում է իր քաղաքական ուժի կամ «նոր» Հայաստանի գովազդն անել՝…
Կիրանցում խայտառակ միջադեպ է գրանցվել: Մինչ տեղացիները փորձել են դեմարկացիա կամ դելիմիտացիա կոչված խեղկատակությանն ընդդիմանալ՝…
Ընդդիմադիր կուսակցությունները կարծես թե վերջնականապես կողմնորոշվել են «Տավուշը հանուն հայրենքի» շարժման նկատմամբ բռնած դիրքի հարցում:…
Հասկանալով, որ օբյեկտիվորեն հանրության շրջանում շատ մեծ է իշխանություններից ունեցած հիասթափությունը, իսկ «Տավուշը հանուն հայրենիքի»…
Աննախադեպ բան է տեղի ունեցել. Լեմկինի ցեղասպանության ինստիտուտը Նիկոլ Փաշինյանի ու նրա թիմակիցների մոտեցումները դատապարտող…