Արձագանքելով Բագրատ արքեպիսկոպոս Գալստյանի հայտարարությանն այն մասին, որ ՔՊ-ական բարձրաստիճան անդամներ արդեն իսկ ներքին ուղերձներ են հղում՝ հասկանալու, թե ինչպես կարող են միանալ շարժմանը՝ Նիկոլ Փաշինյանի աշխատակազմից ասել են, որ հարկ չեն համարում անդրադառնալ անհեթեթություններին: «Տխուր է արձանագրել այն փաստը, որ սուտն ու կեղծիքը հասել է Հայ Առաքելական եկեղեցու արքեպիսկոպոսական աստիճանին»,-հայտարարել են տեղեկատվության և հասարակայնության հետ կապերի վարչությունից:
Երբ Նիկոլ Փաշինյանը 6 տարի առաջ սկսում էր իր քայլերթը՝ հայտարարելով, որ մտադիր են հեռացնել Սերժ Սարգսանին, միայն հիմարի կամ վառ երևակայություն ունեցող մեկի գլխում կարող էր ծագել այն միտքը, որ Փաշինյանն ու նրա հետ քայլող անհայտ ինչ-որ մարդիկ կարող են ասենք Գասպարյան Վովայից իշխանություն վերցնել՝ գերազանցելով բոլոր ակնկալիքները: Փաստ է, որ 2018-ին իշխանափոխություն տեղի չէր ունենա, եթե մի շարք ՀՀԿ-ականներ ու այլ քաղաքական ուժերի ներկայացուցիչներ ներքին կարգով չաջակցեին Նիկոլ Փաշինյանին, իսկ հետո էլ ԱԺ-ում փողոցի ճնշման տակ չկարգեին վարչապետ:
Նույնսկ անզեն աչքով է տեսանելի այն ընդհանրությունները, որ կան 2018-ի ու ներկայիս շարժումների միջև, և նույն ՔՊ-ականները չունեն ոչ մի երաշխիք, որ ինչպես այն ժամանակ իրենց շարժոմը, այնպես էլ այսօրվա շարժումը չի պսակվի հաջողությամբ:
Իրականում ՔՊ-ն երբեք միասեռ միավոր չի եղել. այնտեղ ընդգրկված են միմյանցից տարբեր կլանների ներկայացուցիչներ, որոնք, գտվելով ՔՊ-ում, հաճախ հետապնդում են միանգամայն տարբեր նպատակներ: Նրանց բոլորին միավորում է Նիկոլ Փաշինյանը, որի դիրքերն առ այս պահը համարվել են անսասան:
Բայց ի՞նչ կլինի, եթե է՛լ չհամարվեն, եթե վարչապետի դիրքերն իսկապես սասանվեն՝ հաշվի առնելով հատկապես հանրության շրջանում նրա վարկանիշի անկումը: Արդյոք մյուս ՔՊ-ականնե՞րն էլ կնախընտրեն իրենց առաջնորդի հետ միասին բարձրանալ կառափնարան, թե՞ կնախընտրեն ապրել՝ վերջին պահին անցնելով բարիկադների հակառակ կողմը:
Բոլոր դեպքերում ակնհայտ է, որ առանց ՔՊ-ի ներսից աջակցության Հայաստանում չի կարող լինել իշխանափոխություն: Այն ժամանակ Սերժ Սարգսյանն ինքը դեմ չեղավ կարծես, որ իրեն գահընկեց անեն՝ չպատժելով նրանց, ովքեր դավաճանեցին ու միացան Փաշինյանին: Արդյոք Փաշինյանի մո՞տ էլ կա ցանկություն հեռանալու, արդյոք նա՞ էլ է ցանկանում որսալ հարմար պահն ու թողնել իշխանությունը՝ սեփական քաշից մեծ ծանրության տակ չմտնելու: Դժվար թե. Սերժ Սարգսյանն իր համար թողել էր նահանջի տեղ, իսկ Փաշինյանը բացահայտ մահապարտ է, որ սպառնում է իր հետ միասին Հայաստանը պայթեցնել:
Source: USAArmenia
Մինչ Նիկոլ Փաշինյանը տարբեր հարթակներում փորձում է իր քաղաքական ուժի կամ «նոր» Հայաստանի գովազդն անել՝…
Կիրանցում խայտառակ միջադեպ է գրանցվել: Մինչ տեղացիները փորձել են դեմարկացիա կամ դելիմիտացիա կոչված խեղկատակությանն ընդդիմանալ՝…
Ընդդիմադիր կուսակցությունները կարծես թե վերջնականապես կողմնորոշվել են «Տավուշը հանուն հայրենքի» շարժման նկատմամբ բռնած դիրքի հարցում:…
Հասկանալով, որ օբյեկտիվորեն հանրության շրջանում շատ մեծ է իշխանություններից ունեցած հիասթափությունը, իսկ «Տավուշը հանուն հայրենիքի»…
Աննախադեպ բան է տեղի ունեցել. Լեմկինի ցեղասպանության ինստիտուտը Նիկոլ Փաշինյանի ու նրա թիմակիցների մոտեցումները դատապարտող…
Արդեն մի քանի շաբաթ «Զվարթնոց» օդանավակայանում հացադուլ անող ֆրանսահայ լրագրող Լեո Նիկոլյանի վիճակը ծայրահեղ վատացել…