Ֆրանսահայերի հետ հանդիպմանը Նիկոլ Փաշինյանը հանդես է եկել հերթական հակահայ հայտարարություններով՝ ասելով, թե 3-րդ հանրապետության հիմնադրման առաջին օրից մենք չենք նկատել, որ ՀՀ-ում գոյություն է ունեցել ընդամենը մեկ կուսակցություն՝ ՀՅԴ-ն, քանի որ իրականում եղել է մեկ կուսակցության գաղափարախոսություն. ՀՀ-ում գործող բոլոր կուսակցությունները գործել են ՀՅԴ-ի գաղափարախոսության ներքո: «… ՀՀՇ-ին թվացել է, որ իրենք ավելի լավ դաշնակցական են, քան՝ իսկական դաշնակցականները: ՔՊ-ին թվացել է, որ մենք ավելի լավ դաշնակցական ենք, քան՝ իսկական դաշնակցականները: ՀՀ-ն հենման կետ է ավելի բարձր ազգային նպատակներին հասնելու համար, ավելի մեծ ազգային խնդիրներ լուծելու համար: Հայաստանի Հանրապետությունն այն հայրենիքնն է, որը մենք ունենք և մենք չպետք է այն օգտագործենք ուրիշ հայրենիքի համար: Սա հենց այն հայրենիքն է, որը մենք երազել ենք, և որը մենք ունենք: Եթե մենք ի վիճակի լինեինք՝ մեր պատմությունից դասեր առնելու, մենք գաղափարապես դաշնակցական չէինք լինի…»,-մասնավորապես՝ հայտարարել է Փաշինյանը:
Այս հատարարությունը նման է Ցեղասպանությունն ուրանալու մասին հայտնի հայտարարությանը, որ հնչել էր Շվեյցարիայում, ուղղակի այն տաբերությամբ, որ ձևակերպված է ավելի զգուշորեն, այնպես, որ թվում է, թե հարվածի տակ է հայտնվում առավելապես մեկ առանձին վերցրած քաղաքական ուժ, այլ ոչ թե ողջ հայ ժողովուրդը: Բայց դա խաբկանք է, քանի որ ՀՅԴ-ի գաղափարախոսությունն իրականում օդից վերցրած գաղափարախություն չէ. այն բոլոր նորմալ հայերի սրտից բխած, հայ ժողովրդի ազգային երազանքների գաղափարական-քաղաքական արտահայտությունն է, որի կենտրոնում հայ ժողովրդի բնօրրանը դրա իրական տերերին վերադարձնելու գաղափարն է՝ բնավ 29743-ով չպարփակված:
Բայց Նիկոլ Փաշինյանի հայտարարությունում մի կեղծիք էլ կա: Մասնավորապես՝ հարց է առաջանում՝ եթե ՀՀՇ-ն ևս յուրատեսակ ՀՅԴ էր, ինչպես պնդել է Փաշինայնը, ապա ինչո՞ւ էր նույն ՀՅԴ-ն ՀՀՇ-ի իշխանության օրոք հալածական վիճակում գտնվում: Կամ եթե ՔՊ-ն էլ է ՀՅԴ կամ առնվազն էր, ապա ինչո՞ւ են Արևմտյան Հայաստանն Արևելյան Անատոլիա չհամարողները հատկապես վերջին տարիներին իզգոյի կարգավիճակում:
Նիկոլ Փաշինյանը փորձում է ստեղծել տպավորոթյուն, թե ինքն կամովին չէ, որ ոչնչացնում է Հայաստանը, փորձում է համոզել, որ դա պարտադրված է անում, քանի որ պատմությունից դասեր է քաղել, իսկ քանի որ քաղել է, ուստի չի կարող գաղափարապես դաշնակցական լինել: «Պատմության» տակ Փաշինյանը թերևս 2020-ի պատերազմում կրած դավադիր պարտությունը նկատի ունի, որի վերաբերյալ իրական հետաքննությունն անցկացվելու է իշխանափոխությունից հետո՝ պարզելու, թե ասենք ինչու այդպես էլ համընդհանուր զորահավաք չանցկացվեց, ինչպես ստացվեց, որ նախորդ իշխանությունների թողած դիվանագիտական ժառանգությունը անտեսվեց և այլն:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…