Հայաստանում, հատկապես վերջին շրջանում սնկի պես աճել են բժշկական կենտրոնները, բայց դրանցից ոչ բոլորն են, որ իսկապես ծառայում են հանրության շահերին ու առողջության պահպանմանը: Հիմնականում բիզնես պրոյեկտներ են:
«Իմա» բժշկական կենտրոնը, որ արդեն տևական ժամանակ է՝ գործում է դաշտում, շահեկանորեն տարբերվում է մնացյալից նախևառաջ շնորհիվ իր գլխավոր տնօրեն տիկին Մարիամ Վահանյանի կողմից ներդրված այնպիսի սկբունքների, որոնց կենտրոնում մարդն է, այլ ոչ թե պացիենտից ստացվող շահը:
Ահա, սա է թերևս պատճառներից մեկը նաև, որ ինքը՝ Մարիամ Վահանյանը, այսօր բավական մեծ ճանաչում է վայելում հանրության մեջ ու առողջապահական հանրույթի շրջանում, իսկ սոցցանցերում նրա բազմահազար հետևորդների թիվը օրեցօր միայն աճում է: Աճում է այն պատճառով, որ Մարիամ Վահանյանը միայն սեր, հարմոնիա է իր շուրջը տարածում՝ մի բան, որի կարիքը հատկապես հիմա հանրությունը շատ է զգում:
Օրերս ԴՕԿ կուսակցության պատվավոր նախագահ Վարդան Ղուկասյանի հետ Մարիամ Վահանյանը մի հարցազրույց էր ունեցել՝ փորձելով Ղուկասյանին հանրության համար բացահայտել մեկ այլ՝ շատերին անծանոթ կողմից: Հանրությունը քիչ բան գիտի նրա կենցաղի, մարդկային իրական տեսակի մասին, այն մասին, թե ասենք ինչպիսի հոգատար զավակ է նա իր մոր համար և այլն: Եվ ահա հարցազրույցում Մարիամ Վահանյանի՝ նրբորեն ձևակերպած հարցերի շնորհիվ մարդիկ ունեցան հնարավորություն՝ պատկերացում կազմելու Վարդան Ղուկասյան մարդու մասին:
Հարցազրույցում հնչել էին հարցեր՝ Ղուկասյանի դեմ վերջին շրջանում իրականացվող հարձակումներին վերաբերող նաև՝ ընձեռելով հնարավորություն՝ առաջին ձեռքից տեղեկանալու այդ ամենին Ղուկասյանի արձագանքի մասին: Արձանագրենք, որ Մարիամ Վահանյանին իսկապես հաջողվեց նոր լույսի ներքո ներկայացնել Վարդան Ղուկասյանին , ինչը չափազանց կարևոր պետք է համարել հատկապես հասարակության տեսանկյունից, քանի որ չափազանց կարևոր է հասկանալ, թե ինչ մարդկային տեսակի հետ գործ ունի հասարակությունը՝ ի դեմս այս կամ այն գործչի:
Ինքս, ցավոք, առիթ չեմ ունեցել՝ ճանաչելու Մարիամ Վահանյանին, նրա հետ դեմ առ դեմ շփվելու, սակայն ինչպես ասում են, մարդուն ճանաչելու համար պետք է նրա հետ նախ խոսել, քանի որ հենց խոսքն է, որ շատ արագ ի հայտ է բերում մարդու էությունն ու բովանդակությունը: Այս իմաստով պետք է շատ գնահատելի համարել տիկին Վահանյանի խոսքը, որը հնչում է սոցցանցերում: Այդ խոսքը հուշում է, թե ինչպիսի բարի, դրական անձնավորություն է դրա հեղինակը և թե իրականում որքան մեծ է նման մարդկանց անհրաժեշտությունը մեր մռայլ իրականությունում:
Ընդ որում՝ տիկին Վահանյանը դրականորեն է ընկալվում՝ ոչ միայն իր մասնագիտության կամ գործունեության բնույթով պայմանավորված, այլ նաև որպես մարդ, որպես տեսակ: Պետք է ընդգծել, որ նրա մարդկային տեսակին բնորոշ դրական կողմերն արտահայտվեցին նաև Ղուկասյանի հետ ունեցած հարցազրույցում. չկային տաբուներ այդ անկեղծ զրույցում, շինծու հարցեր, չկար միտում՝ արհեստականորեն որևէ մեկին ծաղկեցնելու, փոխարենը կար մարդկային պարզություն՝ ընկալելի յուրաքանչյուրի համար:
Մնում է միայն հաջողություն մաղթել Մարիամ Վահանյանին իր գործունեության մեջ ու հույս հայտնել, որ հանրօգուտ այդ գործունեությունը հետագայում ևս չի ընդհատվի՝ իր օգուտը բերելով ողջ հասարակությանը:
Գ.Մանուկյան
Source: USAArmenia
Բենզինը հոտ ունի, և մարդիկ սովոր են դրան։ Բայց սա հոտ չէ։ Սա հիշողություն է,…
Երբեմնի ընդդիմադիր գործիչ, «Բայազետ» ազատամարտիկների միության փոխնախագահ Անուշ Զուրաբյանը, որ ոչ վաղ անցյալում քննադատում էր…
հունվարի 1-ից ԱՄՆ ամբողջովին կամ մասնակի կասեցնում է 39 երկրների քաղաքացիներին և Պաղեստինի կողմից տրամադրած…
«Ազդարար» կայքում դատախազության հրապարակած ծանուցման համաձայն՝ գլխավոր դատախազություն են հրավիրվել ՀՀԿ գործադիր մարմնի անդամ Կարեն…
Դիաննա Գասպարյանը այն եզակի ՔՊ-ականներից է, որն էջմիածինն ամենաշատն է սիրել և մեծարել յուրովի՝ լավագույնս…
Հակակոռուպցիոն կոմիտեում քննված քրեական վարույթով հիմնավորվել է, որ 2018 թվականի հոկտեմբերի 21-ից Վաղարշապատ համայնքի ղեկավարի…