Լրահոս – Lrahos

Մարտի 17-ին կայացած ԴՕԿ կուսակցության առաջնորդ Վարդան Ղուկասյանի դատը պատճառ է դարձել, որ տեղեկատվական դաշտում ոմանք դիմեն մանիպուլյացիաների՝ հենվելով ընդամենը նրա շահերը ներկայացնող փաստաբանի մի արտահայտության վրա այն մասին, որ մի քայլ առաջ են գնացել: Դա դարձել է առիթ, որպեսզի ոմանք տարբեր բլոգերների ու տեղակտվական դաշտում գործունեություն ծավալողների ականջը գցեն, թե իբր դատարանը որոշել է Ղուկասյանին ազատ արձակել: Մինչդեռ փաստաբանը նկատի է ունեցել ընդամենն այն, որ օրն անցել է դրական՝ ոչինչ չասելով այն մասին, թե վերջնարդյունքում ինչ վճիռ կարող է կայացնել ամերիկյան դատարանը:

Կեղծ տեղեկությունը, ըստ էության, տարածել է Ղուկասյանի օգտին տեղի ունեցող ցույցերի մասնակiցիներից մեկնումեկը՝ դեզինֆորմացիայի տարածման պատճառ դառնալով:
Ինչո՞վ է դա վտանգավոր:
Խնդիրն այն է, որ դա կարող է պատճառ դառնալ, որ հայաստանյան իշխանությունները դիմեն տարբեր քայլերի՝ խափանելու դատարանի կողմից կայացվելիք հնարավոր դրական որոշումը: Չնայած ո՛չ Վարդան Ղուկասյանի ընտանիքի անդաները, ո՛չ նրա ամերիկյան կամ հայաստանյան դատապաշտպաններից մեկնումեկը ազատ արձակման մասին որևիցե հայտարարություն չի արել, սակայն որոշ տարրեր, չգիտես ում շահերից ելնելով, պատվերո՞վ, թե՞ ինքնաբուխ կերպով նախապես դեզինֆորմացիա են տարածել՝ ստով լցնելով տեղեկատվական դաշտը: Այդ տարածողներին կոչ կանենք, որ եթե ունեն իրենց հավաստի աղբյուրները, եթե իրականում ինչ-որ մեկն իրենց նման բան է վստահեցրել, ապա թող բացահայտեն տեղեկատվության աղբյուրը, եթե կեղծիքի տարածման ջատագով չեն դարձել:
Կան մարդիկ, որոնք տիրապետում են լուրջ ինֆորմացիայի, տեղեկացված են շատ ավելիի մասին, քան մյուսները, բայց կան մարդիկ երբեք չեն հանրայնացնում իրենց ունեցած տեղեկությունները՝ չվնասելու գործին:
Պետք է հասկանալ, որ Ղուկասյանի գործից տեղեկատվական ռումբ ստանալու մոլուցքը կարող է վնասակար լինել նրա համար, ուստի նրանք, ովքեր նման մոլուցքով են տառապում, պետք է իրենց հաշիվ տան, հակառակ պարագայում կլինեն բոլոր հիմքերը՝ պնդելու, որ ի դեմս նմամնների գործ ունենք առնետների հետ՝ ներդրված Ղուկասյանի աջակցիների շարքերում:
Գայանե Մանուկյան
Source: USAArmenia