Ոչ վաղ անցյալում Ադրբեջանի հանդեպ իր յուրահատուկ վերաբերմունքով աչքի ընկած Արմեն Քոլոյանի՝ Հանրային Ռադիոյի ներկայիս տնօրենի կինն է հիմա էլ որոշել հետևել ամուսնու օրինակին՝ այս անգամ թիրախավորելով Ադրբեջանի աչքի փուշ արցախցիներին. «Ֆեյսբուքում» վիրավորական մեկնաբանություն է արել արցախցիների մասին: «Աստծուց մոռացված դժբախտներ, մեր հացը լափում եք, մեր դեմ միավորվո՞ւմ: Դուք մեկի հետ յոլա գնալ կարո՞ղ եք»,-մասնավորապես՝ գրել է Շուշան Ղազարյանը:
Ինչպես հայտնի է, Քոլոյանն աթոռին հայտնվեց բացառապես իշխանությունների ուղիղ միջամտության արդյունքում, և քանի որ լավ է սերտել կյանքի դասերն ու հայաստանյան իրականությունը, անմիջապես շտապեց իր բարի վերաբերմունքը ցույց տալ թշնամու հանդեպ՝ Հանրային Ռադիոյի պատը «զարդարելով» Բաքվի ժամանակը ցույց տվող ժամացույցով:
Նրա կնոջ կողմից արված այս գրառումն էլ նույն սերիայից է և գլխավորապես պայմանավորված է կրկին իշխանություններին հաճոյանալու ցանկությամբ:
Ինչպես հայտնի է, Հայաստան բռնագաղթած արցախցիներն օրերս Ազատության հրապարակում հանրահավաք էին արել՝ պահանջելով իշխանություններից իրենց բախտի քմահաճույքին չթողնել ու պատշաճ սոցիալական աջակցություն ցուցաբերել, քանի որ շատերն ունեն դրա կարիքը: Ցույցը բավական մարդաշատ էր ստացվել, ինչն էլ, ըստ էության, անհանգստացրել է իշխանություններին՝ ստիպելով քարոզչական մեքենան արցախցիների դեմ ուղղել:
Քոլոյանի կինը, իհարկե, ինքնագլխություն չէ, որ դրսևորել է, այլ կատարել է իր ամուսնու հորդորը: Որպեսզի այս անգամ խուսափի հանրային կշտամբանքից, Քոլոյանը թերևս խնդրել է կնոջն իր փոխարեն հենց այս եղանակով հաճոյանալ իշխանություններին՝ հասկացնելով, որ պատրաստ է կատարել նրանց ցանկացած հրահանգ, իսկ եթե պետք լինի Հանրային Ռադիոյի շենքից անգամ Ադրբեջանի դրոշը կկախի, միայն թե շարունակի մնալ այդ պետական հաստատության ղեկավարը:
Ցավոք, այսօր Հայաստանում գործում է մի իշխանություն, որին հաճոյանալու ամենաարդյունավետ ձևն Արցախն ու արցախցիներին թիրախավորելն է, ինչը վկայում է այն մասին, որ երկիրն իրականում ներսից գրավված է մնում:
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…