Ապրիլքսանչորսյան իր ուղերձում ԱՄՆ նախագահ Թրամփը ձեռնպահ է մնացել «ցեղասպանություն» եզրույթը գործածելուց, ինչը դատապարտել են ոչ միայն ամերիկացի որոշ կոնգերսականներ, այլև Ամերիկայի Հայ Դատի Հանձախումբը:
Թրամփն իր առաջին նախագահության օրոք ևս ոչ մի անգամ չի գործածել «ցեղասպանություն» եզրույթը, ու չնայած նախագահ Բայդեի օրոք ԱՄՆ-ն պաշտոնապես ճանաչեց Ցեղասպանությունը, սակայն Թրամփի այսօրինակ ժեստը չի կարող չտալ լրջագույն հետևությունների առիթ: Սակայն ամենից առաջ հարցեր պետք է ուղղել հայաստանյան իշխանություններին:
Բանն այն է, որ այս տարի իրերն իրենց անուններով կոչելուց հրաժարվել են ոչ միայն օվկիանոսից անդին, այլև եվրոպացիները. ԵՄ-ի որևէ բարձրստիճան պաշտոնյա այս տարի չի ցավակցել հայկական կողմին, և սա՝ մի դեպքում, երբ Եվրամիության 17 երկիր ճանաչել է Ցեղասպանությունը, իսկ ՍԵՊԱ-ի 6-րդ հոդվածն ամրագրում է, որ կողմերը պարտավոր են ցեղասպանության հանցագործության դեմ միասնական կերպով պայքար մղել:
Սա նշանակում է, որ ՔՊ-ական իշխանությունը տապալել է ոչ միայն հայ-ամերիկյան, այլև հայ-եվրոպական օրակարգը մի դեպքում, երբ առնվազը հայտարարությունների մակարդակում Հայաստանը փորձում է ստեղծել տպավարություն, թե ուղղություն է վերցրել դեպի Արևմուտք: Եթե իսկապես Արևմուտքի կողմից Հայաստանն այսօր ընկալելի երկիր է, ապա ինչո՞ւ է աշխարհաքաղաքական այդ բևեռը նման անտարբերություն դրսևորում հայության ցավի նկատմամբ:
Նման սառնասրտության պատճառը շատ պարզ է՝ Նիկոլ Փաշինյանի ու նրա արտգոծնախարարի վարած քաղաքականութան հետևանքով:
Հայաստանը իր արտաքին քաղաքական օրակարգի առաջնահերթություններից բացառել է Ցեղասպանութան միջազգային ճանաչումն ու պահանջատիրությունը, իսկ այդ ամենը ՔՊ-ականները բացատրում են թուրքերի հետ խաղաղություն կառուցելու ցանկությամբ մի դեպքում, երբ նույն Ադրբեջանն ամենօրյա ռեժիմով ատամներն է սրում՝ վայելելով Անկարայի անվերապահ աջակցությունը: Նույնիսկ Թուրքիայի ու Ադրբեջանի դրոշների այրման դեմ են բողոքում հայ իշխանավորներն ու լացակումաց պահանջում չանարգել թշնամական սիմվոլները: Նման երկրի ու ժողովրդի հետ է՛լ ինչպե՞ս են վարվում:
ՔՊ-ական իշխանության վերարտադրության դեպքում Հայաստանին ու հայ ժողովրդին է՛լ ավելի սոսկալի բաներ են սպասվում, ընդհուպ՝ մի նոր ցեղասպանություն՝ առնվազն արցախյան մոտիվներով:
Source: USAArmenia
Երբեմն մամուլում շրջանառվում է նախկին ոստիկանապետ Գասպարյան Վովայի անունը: Ընդ որում, այն շրջանառվում է բացառապես…
Սեփական կարիքների համար բենզին ներկրող Ադրբեջանը (Ռուսաստանից, ԱՄԷ-ից, Ռումինիայից) Հայաստան բենզին է արտահանում։ Ակնհայտ է,…
Հայաստանի գլխավոր դատախազությունը քրեական հետապնդման ենթարկելու նպատակով նախկին գլխավոր դատախազ Գևորգ Կոստանյանին ՀՀ իրավասու մարմիններին…
Ֆինանսների նախարարության Եվրոպական միության հետ աշխատանքների համակարգման բաժնի նախկին ղեկավար Հ.Գ.-ն, նախնական համաձայնության գալով ԵՄ…
Սպիտակ տունը դադարեցնում է գրին-քարտ վիճակախաղի ծրագիրն այն առնչությամբ, որ Բրաունի համալսարանի հրաձգության կասկածյալը եկել…