Կոտայքի մարզի 34-ամյա բնակչուհին Քննչական կոմիտե ներկայանալու մասին ծանուցագիր է ստացել լրատվական կայքերից մեկում վարչապետ Նիկոլ Փաշինյանին առնչվող հոդվածներից մեկի տակ մեկնաբանություն թողնելու համար։ NEWS.am–ի հետ զրույցում Վերայի ամուսինը պատմեց, որ ծանուցագիրը երեկ են ստացել ու այսօր ներկայացել քննչական կոմիտե հարցաքննության։ Ըստ ծանուցագրի Վերան որպես վկա է կանչվել հարցաքննության, բայց փաստացի որպես կասկածյալ։
«Լրատվամիջոցներից մեկում հոդվածի տակ կինս գրել է՝ «ով կհանձնի Հայաստանին պատկանող տարածքները, թո՛ղ նրան ձեռքերը կտրվեն»։ Կնոջս էջը ֆեյք չէ, իրական է, դրա համար են հենց նրա մեկնաբանության վերաբերյալ վարույթ հարուցել, շատերը ֆեյք էջերով են մեկնաբանություններ թողնում։ Երևի այդպես են անում, որ մյուսներն էլ հասկանան, ու այլևս ոչինչ չխոսեն։ Այնպես չէ, որ կինս ինչ–որ բան է արել, ուղղակի մեկնաբանություն է գրել, չի կարելի մարդու ազատ խոսքի իրավունքը ոտնահարել։ Մարդիկ իրար առերես վիրավորում են…, իսկ կնոջս հարցաքննության են կանչում մեկնաբանության համար։ Սա մարդու իրավունքների ոտնահարում է»,–ասաց Վերայի ամուսինը՝ նշելով, որ կնոջ մեկնաբանությունը բռնության կոչ չէ և հստակ գործողություն իրենից չի ենթադրում։
Նա նշեց, որ ինքն ու կինը երկու մանկահասակ երեխա ունեն, բազմանդամ ընտանիք են։ Կոտայքի մարզից Երևան են տեղափոխվել, մայրաքաղաքում են աշխատում ու ապրում։
Մեր զրուցակիցը պատմեց, որ իրականացվող քննչական գործողությունների ընթացքում կնոջ հեռախոսն առգրավվել է։
Նշենք, որ ծանուցագրում նշված քրեական օրենսգրքի 330-րդ հոդվածի 2-րդ մասի 3-րդ կետը վերաբերում է հրապարակայնորեն ցուցադրվող ստեղծագործությունների, զանգվածային լրատվության միջոցների կամ տեղեկատվական կամ հաղորդակցական տեխնոլոգիաների օգտագործմամբ՝ բռնություն գործադրելու հրապարակային կոչերին, բռնությունը հրապարակայնորեն արդարացնելուն կամ քարոզելուն, ինչպես նաև այդ նպատակով նյութեր կամ առարկաներ տարածելուն։
Source: USAArmenia
Ապրածս գիտակցական կյանքում, որ երկրի ներսում մարդը մարդու հետ այսքան թշնամացած լինի, երբևէ չէի տեսել։…
ԼԱՍ ՎԵԳԱՍ (KLAS) — Հայ ընդդիմադիր գործիչը, որը ներկայումս գտնվում է Հենդերսոնի ներգաղթի և…
Փաստաբան Արայիկ Պապիկյանը հայտարարում է անժամկետ գործադուլ Փաստաբանների պալատի անդամ Արայիկ Պապիկյանը հայտարարում է անժամկետ…
Փաստաբան Ալեքսանդր Կոչուբաևի ձերբակալության փաստն ու հատկապես եղանակը՝ վախ սփռելու միջոց է...«Միքայել Համբարձումյան և գործընկերներ»…
armlur.am Քիչ առաջ ՀՀ քննչական կոմիտեն, անդրադառնալով այսօր համացանցում տարածված հոգեւորականների խոսակցությանը, հայտնեց. «Հաղորդման առթիվ…
Hraparak. Առաջին ատյանի ընդհանուր իրավասության դատարանի նախագահի պարտականությունները կատարող Ժորա Չիչոյանի հրահանգով Երեւանի առաջին ատյանի…