Լոս Անջելեսի «Academy LA» համերգասրահում, մայիսի 11-ին, տեղի ունեցավ սիրված երգչուհի՝ Սիլվա Հակոբյանի մենահամերգը:
Ուշագրավ է, որ համերգը կայացավ մի ժանակահատվածում, երբ ԱՄՆ-ում նշվում է մայրերի տոնը՝ մայիսին: Մայրերի տոնին նվիրված մենահամերգը կազմակերպել էր Լոս Անջելեսում հայտնի «GRAND PARTY» ընկերությունը՝ Արտակ Մարտիրոսյանի ղեկավարությամբ՝ վերստին ապացուցելով համայնքում իր առանձնահատուկ տեղը հայկական մշակութային կյանքի ձևավորման գործում:
Համերգը վերածվել էր յուրատեսակ տոնակատարության՝ մայրերի ու ընտանիքի հանդեպ սիրո խորհրդանշական խորհրդով։ Շատ երիտասարդներ ներկա էին իրենց մայրերի հետ՝ համերգը նվիրելով նրանց որպես հոգեթով հարգանքի ու սիրո դրսևորում։
Սիլվա Հակոբյանն իր անմիջական շփումով, բեմական հագուստներով և գեղեցիկ կատարումներով ստեղծեց մի միջավայր, որտեղ ամեն մեկն իրեն տեսավ ու զգաց։
Երգչուհին իր խոսքում նշեց, որ անցած յոթ տարիների ընթացքում իր կյանքում էական փոփոխություններ են տեղի ունեցել․ դարձել է մայր, ունեցել է երկու զավակ, ինչը նոր լիցք է հաղորդել իր ստեղծագործական կյանքին։
Երեկոյի գեղեցկությունն ամբողջացրին «Նաիրի» պարային ստուդիայի սաները՝ Լուիզա Խաչատրյանի գեղարվեստական ղեկավարությամբ, ովքեր իրենց պարային կատարումներով շունչ ու շարժում բերեցին համերգին:
Համերգի ընթացքում ջերմ անակնկալ էր նաև Գլենդելի նորանշանակ մշակույթի կոմիսար Մարատ Հայրապետյանի կողմից Սիլվա Հակոբյանին հանձնված հավաստագիրը՝ Կալիֆորնիայի ամենաբարձր օրենսդիր ատյանի, Սենատի՝ մասնավորապես, Կալիֆորնիայի սենատոր Մարիա Ելենա Դուրազոյի կողմից: Նման հավաստագրի արժանացավ նաև «GRAND PARTY»-ի հիմնադիր Արտակ Մարտիրոսյանը՝ ի նշան գնահատանքի՝ հայ մշակույթի ամրապնդման գործում ունեցած ներդրման համար։
Նկատենք, որ չկար համերգավար և այդ պարտականությունը սիրով կատարում էր սիրված երգչուհին և դա ոչ միայն չնվազեցրեց, այլ ավելացրեց երգչուհու ջերմությունն ու անկեղծությունը հանդիսատեսի հետ:
Երբ հնչեցին Սիլվա Հակոբյանի հայտնի հայրենասիրական երգերը, հանդիսատեսը պայթեցրեց դահլիճը՝ բռնելով շուրջպար «Academy LA» համերգասրահում : Դա իսկական մշակութային պայթյուն էր՝ համախմբվածության մթնոլորտով, որտեղ ամեն հայ ուս-ուսի կանգնած զգում էր իր արմատներն ու ազգային պատկանելությունը։ Սիլվա Հակոբյանը դարձել էր մի յուրատեսակ Հայաստան, ում շնորհիվ օտարության մեջ ապրող հայ հանդիսատեսը հնարավորություն էր ստացել՝ առնելու հայրենիքի կարոտը:
Երեկոն ավարտվեց երախտագիտության խոսքերով։ Սիլվա Հակոբյանը շնորհակալություն հայտնեց իր ընկերներին, հովանավորներին և հատկապես «GRAND PARTY»-ին՝ իր կողքին լինելու համար։ Նա նաև ջերմ խոսքեր հղեց երգահան Արամ Ավագյանին՝ իր ստեղծագործական ուղու անբաժան մասնիկը լինելու համար։
Սիլվա Հակոբյանի մենահամերգը ոչ միայն երաժշտական իրադարձություն էր, այլև մշակութային տուրք՝ նվիրված հայ մայրերին։
Մայրությունը հատկապես հայկական մշակույթում բացառիկ կերպով է գովերգված, իսկ հայ մարդու առաջին ու միակ իրական սերը եղել ու մնում է մայրը: Բոլոր ազգերի մեջ էլ, անկակած, գովելի է մայրությունը, սակայն մեր՝ հայերիս մոտ այն հասցված է առավելագույնի՝ պաշտամունքի աստիճանի: Սիլվա Հակոբյանի համերգը յուրատեսակ տուրք դարձավ՝ մատուցված հայ մայրերին:
Գայանե Մանուկյան
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…