Խոսքի ուժը կարող է սպանել, կարող է ապրեցնել, կարող է հրաշքներ գործել՝ անհնարինը դարձնելով հնարավոր։
Հանրահայտ դարձած այս նորմն իմ իրավակիրառ պրակտիկայում բազմիցս թողել է իր ներգործությունը՝ անհնարին թվացող գործերով վերականգնելով արդարությունը։ Իրավամբ, չկա “արդարություն” եզրույթի իրավական այն սահմանը, որը յուրաքանչյուրի համար լինի կարմիր գիծ, քանի որ երկրային օրենքով այն բացակայում է ու բացակայելու է այնքան ժամանակ, քանի դեռ երկրային օրենքները չեն լինելու երկնային օրենքների արտացոլանքը, որոնք, իրավամբ, բնական իրավունքի նորմեր են։
Իրավամբ, անձնական դաշտ մտնել, առերևույթ ատելության ու սպառնալիքի լեզվով խոսել, առանց հիմնավորման ծանր հանցագործության մեջ մեղադրելն անթույլատրելի է, առավել ևս պետական Բարձր Դռան ներկայացուցչի, նրա մերձավորի կողմից, ով պետք է լինի ու ծառայի որպես օրինակ օրինապաշտ քաղաքացու։ Առավել ևս, երբ խոսքը վերաբերում է Առաքելական Սուրբ Եկեղեցու ներկայացուցիչներին։ Միևնույն ժամանակ առավել անթույլատրելի է Հայ Առաքելական Սուրբ եկեղեցու հոգևոր հայրերի պատասխան խոսույթը, երբ, որպես Հայ Եկեղեցու Բարձր Հոգևոր Հայրեր օրինակը պետք է լինել հանդուրժողականության, Սիրո մշակույթը ձևավորելիս Քո Քրիստոնեական համայնքի անդամների վերաբերյալ, առավել ևս այն անդամի, ով ներկայացնում է Հայաստանի Հանրապետությունը։ Էլ ով, եթե ոչ Հայ քահանան ունի պոզիտիվ պարտավորություն՝ դարձի բերելու յուրաքանչյուր մոլորյալի աղոթքով, խոսքի ուժով։
Մենք՝ մահկանացուներս, սխալական ենք։
Մեր հոգևոր Հայրերի պոզիտիվ պարտականությունն է օգնել՝ ինքնամաքրվելու, մոտենալու Աստծուն։ Ընդ որում, առանց խտրականության։
Տարիներ առաջ, երբ ԱՄՆ-ում խաչեղբայր էի, տեղի հայերից մեկն ասաց, որ հարսանյաց արարողությունը տեղի է ունենալու «դաշնակների» եկեղեցում։ Հիմա ի՞նչ, Հայաստանում ունենանք քպակա՞ն եկեղեցի։
Այսօր կենցաղում ունենք ընտրովի արդարադատություն, զոռբաների բանակ, անորակ պաշտոնյաներ, որոնց պատճառով Հայաստանում այս երեսուն տարիների ընթացքում տեղի ունեցավ տնտեսական ցեղասպանություն, որի ընթացքում Հայաստանից դուրս ավելի շատ հայ է ապրում, քան Հայաստանում։ Հիմա ի՞նչ, իշխանության ոչ իրավաչափ, տվյալ դեպքում անթույլատրելի գործողության արդյունքում արդյո՞ք Հայ Հոգևոր Հայրը պետք է ոչ պակաս ատելության քարոզ իրականացնի, վիրավորի, փոխարենը խաղաղեցնի, գիտակցությունը փոխի։
Սրբազան, նվաստիս հակառակը ապացուցի։
Ապացուցիր, որ Ձեր առաքելությունն է ընտրովի վերաբերմունքի արժանացնել Ձեր Հոտի անդամներին, առավոտյան զբաղվել հոգևոր կյանով, երեկոյան՝ քաղաքականությամբ։
Հայցում եմ ներողամտություն՝ կաղ հանգերիս համար, որի իրավունքը չունեի, սակայն Աստվածային իրավանորմով, համաձայն որի Աստված բոլորին Ստեղծում է Մերկ և Հավասար, ներսումս զգալով ու ունենալով Հիսուսին՝ արձանագրում եմ.
Երկրի Թագավորն ու Քահանայապետը պարտավոր են վեր կանգնել իրենց Եսից, Էգոյից։ Բումերանգի Օրենքը ՀԱՅՐԸ չի վերացրել։
ԼԵՎ ԳՐՈւՊ
փաստաբանական գրասենյակի
Գլխավոր տնօրեն՝ Լևոն Բաղդասարյան
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…