Այսօր բառերը խեղդվում են կոկորդում…
Ինչպե՞ս գրեմ այս տողերը, երբ երբեք չէի պատկերացնում, որ այս օրը կգա։
Տարիներ առաջ անասելի դաժանությամբ սպանվեց իմ եղբայրը՝ Եղիշե Խաչատրյանը։ Ես և Եղիշեն երկու հարազատ եղբայրների թոռներ էինք։ Նրա սպանությունը ոչ միայն մեր ընտանիքի, այլև ողջ արդարության դեմ ուղղված հարված էր։
Այդ օրվանից ի վեր մի սիրտ ապրեց մշտական ցավի մեջ՝ նրա կինը՝ Մեյթիխանյան Փառանձեմը։ Նա՝ Երևանի Պետական Համալսարանի հայոց լեզվի ամբիոնի երկարամյա դասախոս, բանասիրական գիտությունների դոկտոր, պրոֆեսոր, հանրապետության մեջ հայտնի լեզվաբան Փառանձեմ Գառնիկի Մեյթիխանյանը, ապրեց միակ նպատակի համար՝ տեսնել Արդարությունը։
Փառանձեմն երբեք չհամակերպվեց սիրելի ամուսնու կորստին։ Նա լուռ, բայց անընկճելի պայքարեց։ Իր ներքին աղաղակը վերածեց լույսի՝ մեզ համար։ Նա ապրեց իր զավակներով՝ Նշանով, Դավիթով և Ասյայով, սակայն այդ ներսում ընթացող մաքառումը , ավաղ, օրեցօր մաշեց նրա մարմինը։
Եվ այսօր…
Այսօր նա էլ գնաց։ Գնաց՝ առանց տեսնելու այն Արդարությունը, որին ինքը հավատում էր։ Բայց գնաց՝ թողնելով ճանապարհ, խոսք և պայքար, որոնք կմնան մեզ։
Ես խոնարհվում եմ Խաչատրյան և Մեյթիխանյան ընտանիքների, հատկապես սիրելի Նշանի, Դավիթի և Ասյայի առաջ։ Ձեր ՄԱՅՐԸ իսկապես մեծ մարդ էր։ Նրա հեզությունը, իմաստությունը և ներքին ուժը միշտ կմնան մեր ուղեցույցը։
Հանգչի՛ր խաղաղությամբ, սիրելի Փառանձեմ։
Քո պայքարը շարունակվելու է։
Քո ձայնը՝ արդարության համար՝ չի՛ լռելու։
Եվ դու երբե՛ք մենակ չես եղել ու չես լինելու՝ ո՛չ այս աշխարհում, ո՛չ նրանից անդին։
Խոնարհումով,
Գայանե Մանուկյան
Source: USAArmenia
Հանգիստ նստած քաղաքի սրճարաններից մեկում՝ առողջապահության ոլորտը հիմնովին քանդել ջանացող նախարար Անահիտ Ավանեսյանը տեսաուղերձ է…
«Իշխանություն» լրատվականի տեղեկություններով՝ Ֆազ մականունով հայտնիքրեական հեղինակություն Սերգեյ Գրիգորյանի եղբայրը՝ Գրիգոր Գրիգորյանը, Ֆրանսիայում պատահաբար հանդիպել…
Օրբելի վերլուծական կենտրոնի կողմից կազմակերպված համաժողովի ընթացքում դրան ներկա թուրք լրագրողը, գովաբանելով ՀՀ ԱԳ նախարար…
ՀՀ վարչապետի աշխատակազմի Հանրային կապերի և տեղեկատվության կենտրոնի Օրբելի վերլուծական կենտրոնի կողմից կազմակերպված «Օրբելի Ֆորում…
«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ անցած տարի՝ հոկտեմբերի 19-ին, «Վելես» կազմակերպության կողմից…
Լեվ Գրուպ փաստաբանական գրասենյակի և անձամբ իմ անունից ցավակցում եմ Ռուբեն Ներսիսյանի անժամանակ մահվան կապակցությամբ,…