Մինչ իշխանությունները փորձում են ամեն կերպ փրկել սեփական դեմքն ու համոզել ժողովրդին, թե իրենց «բարեփոխումները» արդյունք են տվել՝ Հայաստանն առաջ մղելով զանազան վարկանշային աղյուսակներում,հանրությանը ցնցել է հերթական աղմկահարույց իրադարձությունը: Սյունիքի մարզի էկոպարեկները Երևան են տեղափոխել մոտ 25 կիլոգրամ թմրանյութ, որը Իրանի սահմանից նետվել է դեպի Հայաստան: Արդյունքում կալանավորվել է 2 էկոպարեկ:
Սույն դեպքը բացահայտում է ոչ միայն որոշ անհատների հանցավոր վարքագիծը, այլև խորքային համակարգային այն ճեղքերը, որոնք կան Ներքին գործերի նախարարության վերահսկողական մեխանիզմներում։
Նախարարությունը, որի ենթակայության տակ են գործում սահմանային և բնապահպանական վերահսկողության մի շարք ստորաբաժանումներ, չի ներկայացրել հոդաբաշխ բացատրություն, թե ինչպես է հնարավոր, որ նրանք, ովքեր կոչված են՝ պաշտպանելու բնությունը և օրենքը, ներգրավվել են խոշորածավալ թմրանյութի շրջանառության մեջ։
Հարց է առաջանում՝ որտե՞ղ էր ներքին համակարգային վերահսկողությունը, ի՞նչ չափանիշներով է անցել այս անձանց նախնական ստուգումը և գնահատումը: Կատարվածն ապացուցում է, որ ՔՊ-ական իշխանության ուղիղ հովանավորությունը վայելող օղակում առկա են լրջագույն խնդիրներ՝ կապված կադրային քաղաքականության, ներհամակարգային վերահսկողության ու կոռուպցիայի հետ:
Երբ բնապահպանական վերահսկողության աշխատակիցը վերածվում է հանցախմբի օղակի, հասարակության վստահությունը ոչ միայն տվյալ ծառայության, այլև ամբողջ ՆԳՆ-ի նկատմամբ խիստ նվազում է։ Սա վտանգավոր նախադեպ է, որը կարող է խարխլել պետական կառույցների լեգիտիմությունը։ Կատարվածը բնավ այսպես ասած մեկուսի միջադեպ չէ: Այն հետևանք է այն խորքային խնդիրների, որոնք տարիներ շարունակ անտեսված են մնում ՆԳՆ-ում։
Տեղի ունեցածը տալիւս է հիմքեր՝ եզրակացնելու, որ պարեկային ծառայությունը՝ իր բոլոր տարատեսակներով, ըստ էության, տապալված է, նույն այդ պարեկներն այնպիսի ներքին կարգավիճակ են ձեռք բերել,որ փաստացի դարձել են խոշոր «բառիգներ», ինչն ակնհայտորեն չէր կարող տեղի ունենալ առանց վերադասների իմացության կամ անմիջական թողտվության, իսկ եթե, այնուամենայնիվ, տեղի է ունեցել, ուրեմն համակարրգում աներևակայելի բարդակ է, որի ուղիղ պատասխանտուն Արփինե Սարգսյանն է, իսկ քաղաքական պատասխանտուն՝ ողջ ՔՊ-ական իշխանությունը, որի պատճառով է, որ այսօր Հայաստանը դարձել է թմրամոլների ու թմրավաճառների որջ:
Source: USAArmenia
Բենզինը հոտ ունի, և մարդիկ սովոր են դրան։ Բայց սա հոտ չէ։ Սա հիշողություն է,…
Երբեմնի ընդդիմադիր գործիչ, «Բայազետ» ազատամարտիկների միության փոխնախագահ Անուշ Զուրաբյանը, որ ոչ վաղ անցյալում քննադատում էր…
հունվարի 1-ից ԱՄՆ ամբողջովին կամ մասնակի կասեցնում է 39 երկրների քաղաքացիներին և Պաղեստինի կողմից տրամադրած…
«Ազդարար» կայքում դատախազության հրապարակած ծանուցման համաձայն՝ գլխավոր դատախազություն են հրավիրվել ՀՀԿ գործադիր մարմնի անդամ Կարեն…
Դիաննա Գասպարյանը այն եզակի ՔՊ-ականներից է, որն էջմիածինն ամենաշատն է սիրել և մեծարել յուրովի՝ լավագույնս…
Հակակոռուպցիոն կոմիտեում քննված քրեական վարույթով հիմնավորվել է, որ 2018 թվականի հոկտեմբերի 21-ից Վաղարշապատ համայնքի ղեկավարի…