armlur.am
Քիչ առաջ ՀՀ քննչական կոմիտեն, անդրադառնալով այսօր համացանցում տարածված հոգեւորականների խոսակցությանը, հայտնեց.
«Հաղորդման առթիվ նախաձեռնվել է քրեական վարույթ՝ Քրեական օրենսգրքի 236-րդ հոդվածի 3-րդ մասի հատկանիշներով (իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով հավաք անցկացնելուն կամ դրան մասնակցելուն խոչընդոտելը կամ հարկադրելը, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելը)»։
Հիշեցնենք, որ ArmLur.am-ը հայտնել էր, որ Քննչական կոմիտեն նոր գործընթաց է սկսելու Գարեգին Բ-ի շուրջ։
Համացանցում հայտնվել էր Նաթան արքեպիսկոպոս Հովհաննիսյանի և Գարեգին Բ-ի նախկին գավազանակիր Աղան աբեղա Երնջակյանի 2023 թվականի հոկտեմբերի խոսակցության ձայնագրությունը։
Ձայնագրության բովանդակությունը այն մասին է, թե իբր Գարեգին Բ-ն եկեղեցականներին ստիպել է մասնակցել հակաիշխանական ցույցերին, որի դեմ որոշ հոգևորականներ ընդվզել են:
ArmLur.am-ը դիմել էր Գլխավոր դատախազություն, որտեղից ի պատասխան հայտնել էին, որ համացանցում տարածվող ձայնագրությունը վարույթի շրջանակում քննության առարկա կդառնա:
Իսկ ինչ վարույթի մասին է խոսքը․
ArmLur.am-ին հասած լուրերի համաձայն՝ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում հավաքներին մասնակցելուն հարկադրելու, ընտրական իրավունքի իրականացմանը խոչընդոտելու և խոշոր չափերով վստահված գույքի հափշտակություն կատարելու դեպքերի առթիվ նախաձեռնված է քրեական վարույթ, որի շրջւանակներևում կալանավորվեց Արագածոտնի թեմի առաջնորդը, արքեպիսկոպոս Պռոշյանը, որը Գարեգին Բ-ի քրոջ որդին է, Տեր Գարեգինը եւ առաջնորդարանի հաշվապահը: Եվ ահա համացանցում առկա ձայնագրությունը ուղարկվել Է ՀՀ քննչական կոմիտե որպեսզի վերոնշյալ վարույթի շրջանակներում քննություն իրականացնեն:
Source: USAArmenia
«ԱՎԱՆԳԱՐԴ» իրավական հասարակական կազմակերպության նախագահը աջակցում է Աննա Հակոբյանի կողմից բարձրացված կարևոր թեմային՝ կանանց նկատմամբ…
Արջը հարձակվել է գյուղացու վրա․ նա մահացել է Tue, 08 Sep 2026 00:30:11 +0400 Արջը…
Կամուրջներն ու ավտոմայրուղիները կմասնավորեցվեն Tue, 08 Sep 2026 00:00:55 +0400 Թուրքիայի իշխանությունները որոշում են կայացրել…
Երկու լեգենդ հանդես կգան միասին Mon, 07 Sep 2026 23:45:34 +0400 Լեգենդար ֆուտբոլիստներ Քրիշտիանու Ռոնալդուն…
Խարդախության համար դատապարտված փաստաբանը դիմել է դատարան Mon, 07 Sep 2026 23:30:59 +0400 Ռուսաստանցի էթնիկ…
Հաշմանդամություն ունեցող անձանց գումարները կրճատում են, որ բանակի ծախսերն ավելացնեն Mon, 07 Sep 2026 23:30:03…