«Ժողովուրդ» օրաթերթը գրում է. «ԱԺ ՔՊ խմբակցության ամենասկանդալային պատգամավորներից Հայկ Սարգսյանը, ըստ «Հրապարակ» օրաթերթի, չի ընտրվել որպես պատգամավորության թեկնածու:
«Ժողովուրդ» օրաթերթը ՔՊ-ական աղբյուրներից պարզեց, որ ՔՊ վարչությունը նրան մերժել է. միաձայն գրեթե 20 հոգանոց վարչությունում ընդամենը 3-4 հոգի է կողմ քվեարկել նրա թեկնածությանը։
Մերժման պատճառները, սակայն, շատ ավելի խորքային են։ Սարգսյանը լուրջ հակասությունների մեջ էր ԱԺ նախագահ Ալեն Սիմոնյանի հետ՝ նրան մեղադրելով կոռուպցիոն հակումների ունենալու համար, նշելով, որ նա հովանավորում է խաղատնային բիզնեսները։ Բացի դրանից, իշխանական աղբյուրների փոխանցմամբ, Հայկ Սարգսյանն ու նրա եղբայր Նաիրի Սարգսյանը հավակնություններ ունեին զբաղեցնելու Տիգրան Ավինյանի տեղը՝ Երեւանում առաջիկա քաղաքապետի ընտրությունների համատեքստում։
«Ժողովուրդ» օրաթերթը իր աղբյուրներից տեղեկացավ, որ չնայած փոխադարձ սառը հարաբերություններին՝ Ալեն Սիմոնյանն ու Տիգրան Ավինյանը կոալիցիա են կազմել, որպեսզի կասեցնեն Հայկ Սարգսյանի առաջընթացը ՔՊ-ում։
Արդյունքում, մարդը, որը հեղափոխության օրերին Նիկոլ Փաշինյանի կողքին էր՝ բառացիորեն «ջրի շիշը բռնողը», այսօր մերժված է հարազատ կուսակցության կողմից։ Այս տարվա գարնանն էլ Ալեն Սիմոնյանի «ջանքերով» նա կուսակցական նկատողություն էր ստացել:
ՔՊ-ում քննարկել են, թե Հայկ Սարգսյանը եւ եղբայր Նաիրի Սարգսյանը, որը քաղաքային հարցերով բլոգեր է դարձել, մտադիր էին Երեւանի առաջիկա քաղաքապետի ընտրություններում դառնալ ՔՊ-ի թեկնածուն, դրա համար նրանց ընթացքը կասեցվել է՝ մրցակցային տրամաբանությունից ելնելով»։
Source: USAArmenia
Ռուբեն Վարդանյանի կինը գեղանկարչական հավաքածու է նվիրաբերել Գյումրի քաղաքին Mon, 14 Sep 2026 18:15:29 +0400…
Բելառուսի դեպքում հույզերը շատ են, Ադրբեջանի դեպքում՝ չկան Mon, 14 Sep 2026 18:07:09 +0400 ԱԺ…
Մտադիր են փոխել բանակցային օրակարգը Mon, 14 Sep 2026 18:00:43 +0400 Միացյալ Նահանգները ցանկանում է…
Նոր նշանակումներ՝ «Ուժեղ Հայաստան» կուսակցությունում Mon, 14 Sep 2026 17:59:03 +0400 «Ուժեղ Հայաստան» կուսակցությունում տեղի…
Փառատոններ, քեֆ-ուրախություններ հենց սեպտեմբերի 19-ին՝ Արցախի հայաթափման օրը Mon, 14 Sep 2026 17:45:11 +0400 Սեպտեմբերի…
Աննախադեպ տեղումներ և ջերմաստիճանային տատանումներ Mon, 14 Sep 2026 17:30:12 +0400 Օգոստոս ամսվա օդի միջին…