Հայաստանի նախկին վարչապետ Հովիկ Աբրահամյանի խափանման միջոցը 2025-ի տարեվերջին փոխվել է։ Տեղեկացանք, որ նրա նկատմամբ կիրառված խափանման միջոցները` վարչական հսկողությունը եւ բացակայելու արգելքը, դատարանը` դատավոր Արամ Գրիգորյանի նախագահությամբ, փոխարինել է 20 միլիոն դրամ գրավով։
Աբրահամյանի պաշտպան Էմին Խաչատրյանն ասաց, թե փակ նիստ է եղել, չի կարող ասել` որքան գրավ է կիրառվել, եւ ինչու է փոխվել խափանման միջոցը։ Նախօրեին Աբրահամյանին տեսել են Ֆրանկֆուրտից Երեւան վերադառնալիս:Նշենք, որ նախկին բարձրաստիճան պաշտոնյան մեղադրվում է փողերի լվացման, պաշտոնեական լիազորությունները չարաշահելու եւ ձեռնարկատիրական գործունեությանն ապօրինի մասնակցելու հոդվածներով:
Գործը հարուցվել է դեռ 2018-ին, դատարան է մտել միայն 7 տարի անց: Փաստացի, Աբրահամյանը մեղադրյալի աթոռին է արդեն 7 տարի: Պետությունը նաեւ Հակակոռուպցիոն քաղաքացիական դատարան հայց է ներկայացրել` Աբրահամյանից եւ նրա հետ փոխկապակցված անձանցից պահանջում է հօգուտ Հայաստանի բռնագանձել ենթադրյալ ապօրինի ծագման գույք։
Պատասխանողների թվում են անգամ նախկին վարչապետի վարորդը, թիկնապահը, որոնց անունով ձեւակերպված գույքը դատախազությունը համարում է, որ պատկանում է նախկին վարչապետին, ուստի պահանջում է պետությանը վերադարձնել 59 անշարժ գույք, որից 15-ը՝ Երեւանում: Բացի այդ, պահանջում են 20 ավտոմեքենա, 20 ընկերությունում մասնակցություններ եւ բաժնետոմսեր, ինչպես նաեւ՝ 55 միլիոն դոլար։ Գործը քննվում է 2023 թվականից:
Source: USAArmenia
Պատրա՞ստ ես դատվել, լո՞ւրջ… Thu, 10 Sep 2026 18:15:46 +0400 Ռուս-ուկրաինական պատերազմը դադարեցնելու պայմաններից մեկն…
Քննարկել են Հարավ-Կովկասյան իրադրությունը Thu, 10 Sep 2026 18:00:00 +0400 Ռուսաստանի եւ Թուրքիայի արտաքին քաղաքական…
«Արմեդի» խնդիրները՝ հերքումներից մինչև առաջընթաց. ինչո՞ւ է սայլը դանդաղ շարժվում Thu, 10 Sep 2026 17:45:58…
Կես տարում ՀՀ-ն Ադրբեջանից ներմուծել է մոտ 18 մլն դոլարի վառելիք, իսկ արտահանում չի եղել…
Ո՞ւմ էին ուղղված 102-րդ ռազմաբազայի առնչությամբ Պուտինի հայտարարությունները Thu, 10 Sep 2026 17:15:44 +0400 Բիշքեկում…
Աննա Գրիգորյանն ու Արթուր Խաչատրյանը հանդիպել են ՌԴ դեսպան Սերգեյ Կոպիրկինին և դեսպանության խորհրդականին Thu,…