Ամեն ինչ փոխվում է Մխիթարյանի համար. կավարտի՞ կարիերան

Ամեն ինչ փոխվում է Մխիթարյանի համար. կավարտի՞ կարիերան

Thu, 26 Feb 2026 22:45:22 +0400


Ա Սերիայի ընթացիկ մրցաշրջանի ավարտը կարող է լուրջ փոփոխությունների սկիզբ դառնալ Իտալիայի առաջնության առաջատար «Ինտեր»-ում։ Թիմի փորձառու կիսապաշտպան Հենրիխ Մխիթարյանը, մեծ հավանականությամբ, վերջին խաղերն է անցկացնում միլանյան գրանդի կազմում։ Թեպետ երկու օր առաջ, տեղեկություններ կային, որ նրան նոր պայմանագիր է առաջարկվելու ևս մեկ տարով, բայց իրավիճակը, կարծես, փոխվել է :

Gazzetta dello Sport-ի պնդմամբ՝ ակումբի ղեկավարությունը չի պատրաստվում նոր պայմանագիր առաջարկել վետերան ֆուտբոլիստին, ինչի հետևանքով կողմերը կարող են բաժանվել մրցաշրջանի ավարտին։ Սակայն սպասվող փոփոխությունները չեն սահմանափակվի միայն Մխիթարյանով․ ամառային տրանսֆերային պատուհանի ընթացքում թիմում հնարավոր է լայնամասշտաբ վերադասավորում։ Կիսապաշտպանություն և պաշտպանություն՝ վտանգի տակ Միջին գծում ևս մի քանի առանցքային խաղացողների ապագան անորոշ է։ Էնդի Դիուֆն ու Դավիդե Ֆրատեզին ավելի մոտ են հեռանալուն, քան մնալուն, իսկ Նիկոլո Բարելայի հարցում նույնպես հստակություն չկա․ նրա մրցաշրջանը չի արդարացրել սպասելիքները, ինչն ազդում է ակումբի որոշումների վրա։ Պաշտպանական գծում փոփոխությունները գրեթե անխուսափելի են։ Ակումբը մտադիր չէ երկարաձգել Ֆրանչեսկո Աչերբիի, Մատեո Դարմիանի և Ստեֆան դե Վրեյի պայմանագրերը։ Բացի այդ, Դենզել Դումֆրիսի հեռանալը ևս չի բացառվում՝ հատկապես հաշվի առնելով նրա նկատմամբ ցուցաբերված հետաքրքրությունը անգլիական «Լիվերպուլի » կողմից։ Դարպասային և հարձակողական փոփոխություններ Դարպասապահների դիրքում ևս սպասվում է սերնդափոխություն։ Յան Սոմերի ելույթները մոտենում են ավարտին, և միլանյան ակումբը նոր հիմնական դարպասապահի որոնումներում է։ Գլխավոր թեկնածուն համարվում է «Ռոմաի» դարպասապահ Միլե Սվիլարը։

Հարձակման գծում մրցակցությունը կտրուկ աճել է։ Մարկուս Թյուրամը կարող է լքել թիմը, քանի որ երիտասարդ Ֆրանչեսկո Պիո Էսպոզիտոն, ստանալով վստահություն գլխավոր թիմում, իր արդյունավետ խաղով սկսել է ստվերում թողնել ֆրանսիացի հարձակվողին։

Այս ամենը վկայում է, որ «Ինտերը» կանգնած է լուրջ վերափոխման շեմին, և առաջիկա ամիսները վճռորոշ կլինեն ակումբի ապագա կառուցվածքի համար։

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

Մոսկվան՝ Հայաստանի և Ադրբեջանի փոխհարաբերությունների մասին

Մոսկվան՝ Հայաստանի և Ադրբեջանի փոխհարաբերությունների մասին Fri, 20 Nov 2026 16:45:56 +0400 2020–2022 թվականներին Ռուսաստանի…

9 րոպե ago

Ի գիտություն ՀԷՑ ՓԲ ընկերության կառավարչի աթոռը զավթած սուբյեկտի

Ի գիտություն ՀԷՑ ՓԲ ընկերության կառավարչի աթոռը զավթած սուբյեկտի Fri, 20 Nov 2026 16:38:12 +0400…

17 րոպե ago

Ռուսաստանում ՀՀ նոր դեսպան է նշանակվել

Ռուսաստանում ՀՀ նոր դեսպան է նշանակվել Fri, 20 Nov 2026 16:36:08 +0400 ՀՀ նախագահի հրամանագիրը…

19 րոպե ago

Վրաստանում սգո օր է հայտարարվել

Վրաստանում սգո օր է հայտարարվել Fri, 20 Nov 2026 16:30:42 +0400 Վրաստանի մայրաքաղաք Թբիլիսիի Պոնիճալա…

25 րոպե ago

Մեր ծնողներից մեկը մահացավ, մյուսը խելագարվեց, հոգեկանները շեղվեցին. Անհայտ կորածի մայր

Մեր ծնողներից մեկը մահացավ, մյուսը խելագարվեց, հոգեկանները շեղվեցին. Անհայտ կորածի մայր Fri, 20 Nov 2026…

28 րոպե ago

«Զգուշացեք ընծաներ բերող դանայացիներից»

«Զգուշացեք ընծաներ բերող դանայացիներից» Fri, 20 Nov 2026 16:21:59 +0400 ԱԺ «Հայաստան» խմբակցության պատգամավոր Արթուր…

33 րոպե ago