Առավոտ կանուխ մարդ ու կնիկ հայտարարեցին իրենց ամուսնալուծության մասին։ Ասել է թե՝ «Հե՜յ, հայ ժողովուրդ, մեկ էլ, մեկ էլ մի զարկ տվեք» ու տարածեք։ Օնլայն հարթակները անմիջապես տարածեցին, մարդիկ ծիծաղեցին, ծաղրեցին, սարկազմով արձագանքեցին։ Եվ հենց այդ պահին, զույգի «Հայկական ժամանակ» ընտանեկան թերթը Դանիել Իոննիսյանի բերանով հայտարարեց․ «Նիկոլ Փաշինյանի և Աննա Հակոբյանի անձնական կյանքը մեր գործը չէ, միայն ու բացառապես իրենց գործն է»։

Բայց եթե դա նրանց գործն է, ինչու՞ իրենց ամուսնալուծությունը ծամոնի նման գցել էին հանրության բերանը, որ հիմա ասեն՝ «ձեր գործը չէ»։ Օգտատերերից մեկը գրեց․ «Դանիել Դանոսիչ, մասնակիորեն ճիշտ ես, բայց եթե առավոտ վաղ հնարավոր բոլոր միջոցներից չհայտարարվեր, վախենում եմ լվացքի մեքենան ու արդուկը միացնեմ…»։

Ընտանեկան թերթը վախեցած է։ Նրանք չէին սպասում, որ արձագանքը այդքան ուժեղ կլինի՝ ծիծաղ, սարկազմ, և ամենակարևորը՝ ոչ ոք չի հավատա «Սուտ ասողի տունը կրակ ընկավ» ցուցադրությանը։ Իրենք տարածել են, հիմա էլ ասում են՝ ձեր գործը չէ։ Ռուսական ու ադրբեջանական լրատվամիջոցների արձագանքները ցույց տվեցին, որ տեղեկատվությունը դուրս է եկել վերահսկողությունից։
Իշխանությունը հասկանում է, որ հիմա՝ երբ այլ աղբյուրներ հաղորդում են, ամեն մեկը՝ իր շահին համապատասխան, կօգտագործի այս ամուսնալուծության խաղը։ Նրանք չէին պատկերացնում, որ ամբողջ հանրային արձագանքը ու միջազգային ուշադրությունը իրենց վերահսկողությունից դուրս կգա, և հիմա վախեցած են՝ գիտակցելով հետևանքները։