Անապաստան կենդանիների սպանդ ՌԴ 102-րդ բազայում․ բաց նամակ Կոպիրկինին
Fri, 27 Feb 2026 18:45:58 +0400
Բաց նամակ Հայաստանում ՌԴ դեսպան Սերգեյ Կոպիրկինին
Անապաստան կենդանիների սպանդ ՌԴ 102-րդ բազայում
Շատ վաղուց էր` մի հանդիպման ժամանակ ՌԴ նախագահ Վլադիմիր Պուտինին հարցրին, թե ինքը եր՞բ իրեն երջանիկ կզգա, նա պատասխանեց․ «Եթե աշխարհում դեռ կա մեկ անտեր քոթոթ, ես ինձ երջանիկ չեմ համարի»․․․
Գյումրիում շների և քոթոթների բախտը բերել է այնքանով, որ ռուսական ներկայությունը այստեղ բառի ամենաիսկական իմաստով փրկում է նրանց։ Անապաստան կենդանիներին պաշտպանելու մշակույթը Գյումրի բերեցին հենց ռուսազգի կենդանասերները։
Դեռ երկու շաբաթ առաջ շշուկներ տարածվեցին, որ 102 բազայի նորանշանակ հրամանատար Ալեքսանդր Բեզբորոդովը որոշել է իր ուժը ցուցադրել՝ սպանդի ենթարկելով անպաշտպան, տարածքին և սպայակազմին սովոր կենդանիներին։
Ինքնահաստատման այս ձևը վկայում է սույն անձի ոչ միայն գենետիկ վախերի, որոշակի բարդույթների, այլ նաև Հայաստանի Հանրապետությունում գործող օրենսդրությունը արհամարհելու մասին։ «Կենդանիների նկատմամբ դաժան վերաբերմունքի» մասին ՀՀ քրեական օրենսգրքի 307 հոդվածը սահմանում է որոշակի պատժամիջոցներ։
Հարգաժան դեսպան․ մենք հետամուտ ենք լինելու սույն անձին պատասխանատվության ենթարկելու հարցում, ինչպես նաև ՀՀ օրենքը կատարելու խնդրում։ Այն թեզը, թե տարածքը պատկանում է Ռուսաստանին, փրկօղակ չէ սույն անձի համար։ Ռազմաբազային պատկանող բոլոր տարածքներում թեկուզ մեկ շուն չի մնացել` բոլորին ոչնչացրել են։ Հերթը առնետներինն է։
Հասմիկ Մելքոնյան
Գյումրի