«Մեր ու ձեր սրտով» քաղաքական միավորներ ՀՀ֊ում չեն կարող լինել
Sat, 28 Feb 2026 10:08:21 +0400
Ժողովուրդ ջան, ընդդիմության միավորում եք պահանջում, հետն էլ բողոքում եք, որ այս կամ այն ընդդիմությունը ձեր սրտով չի։
«Մեր ու ձեր սրտով» քաղաքական միավորներ ՀՀ֊ում չեն կարող լինել։
Ձեր սրտի Նիկոլն էլ, ձեր սրտով չէր, պարզապես դուրս էիք եկել Սերժի դեմ։
Կետ-կետ ասեմ։
1. Ընտրությունը արվում է պրոֆեսիոնալիզմի և անփորձության միջև։ Հասկանում եք չէ, որ անամպ,պուպուշ, բյուրեղյա պրոֆիներ ՀՀ֊ի տնտեսաքաղաքական համակարգում լինել չեն կարող, կենսագրություն ունեցող մարդիկ ունենում են սխալներ, հաճախ խոշոր սխալներ։
Բայց ձեր աչքով տեսաք ,թե ոնց «հեղափոխական ծիրի» կինդեռսյուրպրիզները պրոֆեսիոնալ առումով մնացին կատարելապես ապաշնորհ, բայց կոռուպցիայի դասերը յուրացրին բոլորից լավ։
Դրա համար սրա֊նրա ականջները տեսնելուց առաջ,մտածեք այլ մարմնամասերի մասին,որոնց կանոնավոր առերեսվում ենք ամեն օր։
2. Ձեզ ներշնչում են,որ ընտրությունն աշխարհաքաղաքական է։ Ցավոք`ոչ։Աշխարհաքաղաքական ընտրություն գլոբալ մակարդակով էլ չկա։Նայեք ոնց են փուռը տալիս աշխարհաքաղաքական ընտրություն արած Ուկրաինային ու հասկացեք` աշխարհաքաղաքական ընտրությունը աճպարարություն է,գոնե ներկա պահին,ԱՄՆ այս դիրքորոշման շրջանակներում։
Ձեր տունը չքանդվի,մի անգամ կյանքում ընտրեք ոչ թե ստամոքսը,ոչ թե Պուտինին,ոչ թե Էրդողանին ,կամ Թրամփին։
Հային ընտրեք, հավատացեք, ազգային բաղադրիչը նոր ժամանակների կենսունակության թեստն է`ով պահի կմնա, ով ոչ `ոչ։
Ամեն ուժին որ նայեք հայի և հայկականության պրիզմայով, մշուշը կցրվի։
Անուշ Սեդրակյանի ֆեյսբուքյան էջից