Իրանը զիջումների գնաց ԱՄՆ-ի հետ․ ուշագրավ մանրամասներ
Sat, 28 Feb 2026 12:00:27 +0400
Իրանը համաձայնել է հրաժարվել հարստացված ուրանի բոլոր պաշարներից Միացյալ Նահանգների հետ բանակցությունների ընթացքում, CBS News-ին տված հարցազրույցում հայտարարել է Օմանի արտաքին գործերի նախարար Բադր ալ-Բուսաիդին։
Նա նշել է, որ սա Վաշինգտոնի կողմից Թեհրանին ներկայացված հիմնական պահանջներից մեկն է՝ իրանական միջուկային ծրագրի շուրջ համաձայնության հասնելու համար։
«Ընթացիկ պաշարների վերաբերյալ, կարծում եմ, որ այժմ համաձայնություն է ձեռք բերվել, որ դրանք վերամշակվեն հնարավորինս նվազագույն մակարդակով՝ չեզոք, բնական մակարդակով։ Այսինքն՝ դրանք կվերածվեն վառելիքի, և այդ վառելիքը կլինի անշրջելի», – նշել է ալ-Բուսաիդին։
Նախարարը նաև հավելել է, որ Իրանը համաձայնել է ՄԱԳԱՏԷ-ի տեսուչներին մուտք գործել իր միջուկային օբյեկտներ։ Նա գնահատել է, որ ԱՄՆ-ի և Իրանի միջև համաձայնագիրը հնարավոր է, բայց «մի փոքր ավելի ժամանակ է անհրաժեշտ որոշ մանրամասներ պարզաբանելու համար»։
The Wall Street Journal-ը նախկինում հաղորդել էր, որ բանակցությունների ընթացքում ԱՄՆ-ն պահանջել է, որ Իրանը ապամոնտաժի Ֆորդոյի, Նաթանզի և Սպահանի իր միջուկային օբյեկտները, ինչպես նաև դուրս բերի երկրից հարստացված ուրանի բոլոր պաշարները։
Միևնույն ժամանակ, Իրանի կառավարության տեղեկատվական խորհրդի ղեկավար Էլիաս Հազրատին հայտարարել է, որ Թեհրանը «ոչինչ չի հանի» և կշարունակի ուրանի հարստացումը «երկրի կարիքներին համապատասխան»։