Իրանը հատուկ կոչով դիմել է ՄԱԿ-ին
Sat, 28 Feb 2026 14:41:54 +0400
Թեհրանը կոչ է անում ՄԱԿ-ին և կազմակերպության Անվտանգության խորհրդին անհապաղ միջոցներ ձեռնարկել «Միացյալ Նահանգների և Իսրայելի կողմից Իրանի դեմ ագրեսիայի հետևանքով միջազգային անվտանգության խաթարմանը հակազդելու համար», – ասվում է Իրանի արտաքին գործերի նախարարության հայտարարության մեջ։
«Իրանի Իսլամական Հանրապետությունը հիշեցնում է Միավորված Ազգերի Կազմակերպության և Անվտանգության խորհրդի կարևոր պատասխանատվության մասին՝ անհապաղ միջոցներ ձեռնարկել խաղաղության և միջազգային անվտանգության խաթարմանը հակազդելու համար, որը պայմանավորված է Միացյալ Նահանգների և սիոնիստական ռեժիմի բացահայտ ռազմական ագրեսիայով», – ասվում է Իրանի արտաքին գործերի նախարարության Telegram ալիքում հրապարակված հայտարարության մեջ։