Վավերացումների նվազում է արձանագրվել
Mon, 02 Mar 2026 11:17:58 +0400
Երևանի քաղաքապետարանի գործակարգավարական խորհրդակցության ընթացքում ներկայացվել են մայրաքաղաքի հասարակական տրանսպորտի տոմսային համակարգի վերջին տվյալները։ «Քաղաքի կառավարման տեխնոլոգիաների կենտրոն» ՓԲԸ-ի տնօրեն Սարգիս Մանուկյանը հայտնել է, որ տրոլեյբուսներում գրանցվել է 79 801 վավերացում, իսկ մետրոպոլիտենում՝ 502 755։
Նրա խոսքով՝ ավտոբուսային երթուղիներում վավերացումների թիվը կազմել է 1 707 048։ Այս տվյալների համադրությամբ ընդհանուր վավերացումների քանակը հասել է 2 289 604-ի։
Միևնույն ժամանակ նշվել է, որ նախորդ ժամանակահատվածի համեմատ արձանագրվել է նվազում՝ 162 744 վավերացմամբ, ինչը կազմում է մոտ 6 տոկոս։