Իրանի դեսպանը նշել է՝ ինչ են ակնկալում ՀՀ-ից
Mon, 02 Mar 2026 18:45:41 +0400
Մարտի 2-ին կայացած մամուլի ասուլիսի ընթացքում Հայաստանում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամին ընդգծեց, որ Իրանը դժվար ժամանակներում իր գործընկերներից և բարեկամ երկրներից սպասում է համերաշխություն և գործակցություն՝ հիմնված փոխադարձ վստահության վրա։
Դեսպանի խոսքով՝ Հայաստանը և Իրանը կապվում են դարավոր բարեկամությամբ, որը ձևավորվել է պատմության ընթացքում և շարունակվում է նաև այսօր։ Նա նշեց, որ ամենաբարդ փուլերն անգամ անցողիկ են, եթե երկրները կանգնած են միմյանց կողքին և պատրաստ են աջակցել իրար։
Խալիլ Շիրղոլամին նաև իր երախտագիտությունը հայտնեց բոլոր այն խոսքերի համար, որոնք մինչ այս հնչել են Իրանի հասցեին՝ ընդգծելով, որ ցավակցությունն ու զորակցությունը կարևոր դեր ունեն նման իրավիճակներում և ամրապնդում են երկու ժողովուրդների միջև եղած հարաբերությունները։